Chelseas dorëzohet për titull

Menaxheri i Chelseas, Andre Villas-Boas e pranon se ekipi i tij është jashtë luftës për titull të kampionit, pas barazimit 1:1 ndaj Fulhamit, në periudhën Boxing Day, që përfshin festat e fundvitit. Ky ‘kiks’ e la klubin londinez 11 pikë prapa liderit Manchester City, kështu që trajneri portugez është dorëzuar sa i përket titullit të më të mirit në Angli.

“Ndoshta Premierliga është punë e mbaruar për ne për momentin. Duhet t’i pranojmë gjërat ashtu siç janë. Duhet të jemi realë. Nuk mund të jetosh me shumë pritje, kur shkëputja është aq e madhe. Diferenca në mes nesh dhe kreut është e madhe. E patëm reduktuar atë deri në 7 pikë, por me Cityn dhe United që po vazhdojnë në këtë mënyrë, do të jetë e vështirë”, theksoi ish trajneri i Portos.

“Nuk mund të themi se është e pamundur, por ne duhet të fokusohemi në pozitën tonë për momentin dhe ta bëjmë një vlerësim real. Nëse do ta kishim një dhjetor të mirë, ndoshta punët do të ishin ndryshe. Do të jetë vështirë për na të fitojmë titullin”, përfundoi Villas Boas. Chelsea nuk diti ta shfrytëzojë barazimin e Manchester Cityt, të cilin e regjistroi të hënën.