"Ciklon" kritikash nga OSBE-ja
TIRANE - Nen shenjestren e nje "cikloni" kritikash nga OSBE-ja u vendosen dje Gjykatat e Apelit ne vend. "Gjykatat penale te Apelit ne Shqiperi kane nevoje per permiresim te metejshem per te permbushur me mire standardet e gjykimit te drejte dhe te shtetit te se drejtes". Kritikat vijne nga Misioni i Organizates per Siguri i Bashkimit Evropian, e cila ka hartuar nje raport per veprimtarine e Gjykatave te Apelit. Raporti i bere publik diten e djeshme, ve ne qender te kritikave dy momente kryesore qe kane te bejne me punen e drejtperdrejte ne Gjykatat e Apelit. E para ka te beje me argumentimin e vendimeve qe keto gjykata japin, ndersa pika e dyte me transparencen e dhenies se ketyre vendimeve. Te dhenat e raportit publikohen nga zyra e shtypit prane Misionit te OSBE-se ne Shqiperi, e cila dje beri me dije se, "me gjithe progresin e vazhdueshem ne sistemin e drejtesise penale, rregullat procedurale qe drejtojne shqyrtimet ne Apel, shpesh nuk respektohen".
"Gjykatat penale te Apelit shpesh nuk arrijne t'i argumentojne ne menyre korrekte dhe te plote vendimet e tyre dhe vonesat ne procedimin e ceshtjeve penale ne Apel jane te zakonshme. Ekziston nevoja per permiresim te metejshem, me qellim qe Gjykatat penale te Apelit t'i kryejne veprimtarite e tyre me efikasitet, drejtesi dhe transparence", thote Maya Goldstein-Bolocan, keshilltare e Larte Ligjore e Prezences se OSBE-se, e cila eshte autorja e ketij raporti. Sipas saj, "per shkak te rendesise se tyre ne zgjidhjen e gabimeve te mundshme te drejtesise dhe funksionit te tyre "udhezues" kundrejt gjykatave te uleta, eshte thelbesore qe Gjykatat e Apelit t'i kryejne veprimtarite e tyre ne menyre transparente dhe eficiente, dhe qe shqyrtimi qe ndermarrin te jete i cilesise se larte". Raporti analizon procedimet e ceshtjeve penale ne Gjykatat e Shkalles se Dyte ne Shqiperi, si dhe ofron rekomandime per rritjen e drejtesise, efikasitetit dhe transparences se sistemit gjyqesor. Ai botohet ne kuader te Projektit te Prezences per Gjykimin e Drejte dhe trajton ceshtje te tilla, si paraburgimi, vonesat procedurale dhe transparenca. Raporti po u shperndahet te gjithe gjyqtareve dhe prokuroreve ne vend, si dhe dhomave te avokateve, institucioneve shteterore, organizmave te huaja e nderkombetare dhe shoqerise civile. Prezenca e OSBE-se e botoi "Analizen e procedimeve te ceshtjeve penale ne Apel ne Republiken e Shqiperise", me qellim qe ajo t'u sherbeje autoriteteve gjyqesore, si dhe te gjithe aktoreve shqiptare dhe nderkombetare ne perpjekjet e tyre te vazhdueshme per te permiresuar sistemin gjyqesor ne vend. Prezenca mbetet e gatshme te ndihmoje autoritetet shqiptare ne perpjekjet e tyre per permiresimin e sistemit te drejtesise.