Progres kermilli
Ergys GJENCAJ
Nderkohe qe ka hyre viti 2008, Inspektorati i Larte i Deklarimit dhe Kontrollit te Pasurive, ende nuk e di se cilat nga deklarimet e pasurise se zyrtareve per 2006-en jane te sinqerta dhe cilat mashtrime.
Zyrtare te larte te shtetit shqiptar, te cilet ne baze te ligjit per deklarimin e pasurise kane bere deklarimet perkatese per vitin 2006 dhe jane depozituar prane zyrave te ILDKP-se, deri ne mars te vitit te kaluar. Por, gjate gjithe kesaj periudhe kohore qe nga depozitimi i te dhenave te kerkuara nga politikane e zyrtare te tjere te administrates shteterore, nuk eshte bere publik asnje perfundim hetimi nga ana e punonjesve te inspektoratit, pasi zyrtaret e atjeshem perserisin refrenin e njohur: "po punohet". Ende per publikun nuk eshte thene asgje nese zyrtaret kane shtuar pasurine e tyre apo jo dhe nese kjo pasuri (nese ka) e tyre eshte vendosur ne menyre ligjore apo jo. Nuk eshte treguar nese jane verejtur gjate kontrollit shkelje te ligjit permes deklarimit te pasurise nga ndonje shtetar? Te interesuar ne Inspektoratin e Larte te Deklarimit dhe Kontrollit te Pasurive, mesohet se ende po vazhdohet me procesin e kontrollit. Por njeheresh thuhet se ka nisur puna per perpilimin e nje raporti per sa i perket pasurise se deklaruar nga zyrtaret shqiptare. Gjithashtu, mesohet se po hartohet nje raport, i cili ka gjase te behet publik ne nje kohe te dyte. Sipas burimeve, nga kontrollet e zhvilluara deri me tani jane verejtur probleme te vogla. Por keto jane te natyres se, zyrtari qe detyrohet nga ligji te deklaroje pasurine, nuk eshte shprehur qarte. Nderkohe, ka nisur periudha per deklarimin e pasurive te zyrtareve per vitin e kaluar. Ligji detyron qe deklarimi i pasurive te jete periodik. Sipas ligjit, zyrtaret detyrohen te deklarojne prane ketij institucioni brenda dates 31 mars te cdo viti, gjendjen deri me 31 dhjetor te vitit paraardhes te pasurive, burimet e krijimit te tyre, si dhe te detyrimeve financiare. Ligji thote se duhet te deklarohen nder te tjera, pasurite e paluajtshme dhe te drejtat reale mbi to, pasurite e luajtshme, te regjistrueshme ne regjistrat publike, sendet me vlere te vecante mbi 5 mije dollare amerikane, vleren e aksioneve, te letrave me vlere dhe pjeset e kapitalit ne zoterim, detyrimet financiare ndaj personave juridike dhe fizike, te shprehura ne leke ose ne valute te huaj, te ardhurat personale per vitin, nga paga ose pjesemarrja ne borde, komisione ose cdo veprimtari tjeter qe sjell te ardhura personale, si dhe licencat dhe patentat qe sjellin te ardhura. Gjithashtu, zyrtaret me te larte te shtetit, qofshin keta te zgjedhur apo dhe te emeruar ne detyra te larta shteterore, jane te detyruar te bejne deklarimin e te dhenave te te ardhurave te familjareve te tyre. Ne rast te kundert, sipas ligjit per deklarimin e pasurive, inspektorati ka te drejten e marrjes se masave konform sanksioneve te percaktuara.