Skeptik per reformen

Ilir Saqellari
Socialdemokratet po kerkojne nje reforme serioze ne drejtesi, madje edhe korrigjimin e gabimeve te kryera nga mazhoranca ne pushtet, ndersa kerkon forcim te metejshem te opozites per te korrur nje rezultat te thelle ne zgjedhjet parlamentare. Kreu i PSD-se Gjinushi tha dje se opozita nuk duhet te keqperdoret serish nga mazhoranca, per te kryer nje tjeter antireforme, sic ka bere sipas tij ne te shkuaren. "Nuk mund te ecin reformat perpara edhe ne rast se ka nje rinisje serioze, pa korrigjuar gabimet qe kane te bejne me kushtetutshmerine e institucioneve dhe konsensuset e prishura deri me tani. Kush thote hajde te ecim me te perpara, kuptohet qe shkon ne humnere, pra duhet rikthyer ne rruge. Kur flasim per reforme ne drejtesi ne vend, duhet te mbizoteroje ligji dhe ka me shume nevoje per zbatim te ligjit, e kjo fillon nga kushtetutshmeria, nga forcimi i pavaresise se institucioneve, nga respektimi i ligjit nga vete institucionet, e pastaj nga gjykata, sesa per rregullime e amendime te neneve te Kodit Penal e Civil", - theksoi kreu i PSD-se. Skender Gjinushi e krahasoi kryerjen e reformes ne drejtesi nepermjet amendimeve, me modifikimet ne kodin rrugor. Sipas tij, modifikimet e kodit rrugor nuk mund te ulin numrin e aksidenteve e po ashtu, amendimet nuk mund te sjellin rezultate ne sistemin e drejtesise. Baza e cdo reforme per kreun e PSD-se, eshte shprehja e qarte e mazhorances se eshte e gatshme per konsensus e qe duhet te zbatoje Kushtetuten. E kunderta sipas Skender Gjinushit, eshte thjesht alibi. Numri nje i socialdemokrateve shtoi se momentalisht, eshte radha e shumices per ta kryer reformen, ndersa opozita perhere ka qene e gatshme per te kryer reformat qe jane bllokuar nga mazhoranca e jane kthyer ne antireforma. Ai u duk skeptik per kryerjen e nje reforme pozitive, per sa kohe kryeminister eshte Sali Berisha.
Me te forte!
Skender Gjinushi nuk harroi dje te paralajmeronte opoziten, se duhet t'u jape fund ndasive, ende te pranishme, e te forcoje bashkepunimin. Kjo mase sipas kreut te PSD-se, do te garantonte nje revansh ndaj 3 korrikut 2005, ndaj te djathteve ne pushtet. "Patjeter qe ne shqyrtojme ne vazhdimesi marredhenien me aleatet tane, e vecanerisht me PS, ku vleresojme qe forcimi i bashkepunimit eshte nje domosdoshmeri, sepse e majta vazhdon te vuaje ende plaget e ndarjes apo probleme te diversionit te caktuar dhe sa me e bashkuar, se me e rindertuar, sa me e rifreskuar te paraqitet para elektoratit, aq me e thelle do te jete fitorja e radhes", - deklaroi Gjinushi. Kreu i PSD-se nenvizoi se partia e tij ka marre te gjitha masat e nevojshme per riorganizimin dhe korrigjimin e defekteve te hasura ne zgjedhjet lokale te 18 shkurtit 2007. Ai kerkoi gjithashtu, qe ndryshe nga zgjedhjet e shkuara, ato te 2009-es te plotesojne standardet e kerkuara nga nderkombetaret. Per kete sipas tij, eshte e padiskutueshme nevoja e kryerjes se reformes zgjedhore, e lidhur me kete ceshtje kerkoi mbeshtetje te sistemit gjerman. saqellari@korrieri.com