Cikloni, në burg pesë trafikantë klandestinësh

Gjirokastër- Operacioni i koduar “Cikloni” ka shkatërruar një grup kriminal me aktivitet të theksuar në fushën e trafikut të kalndestinëve  në drejtim të shtetit grek, kundrejt fitimit. Kështu në pranga kanë rënë pesë persona: Laurent Astrit Shehaj, 33 vjeç nga Fieri, Agron Isuf Seati, 47 vjeç nga Fier, Bujar Isuf Seati, 45 vjeç nga Fieri dhe banues  në Vlorë, Qamil Selami Fejzullai,  44 vjeç nga Fieri dhe Çlirim Tajar Pashaj, 44 vjeç nga Tepelena dhe banues në Fier.

Ky grup qendrën e kishte  në qytetin e Fierit  dhe rrethinat e tij, dhe me shtrirje në qytetet Vlorë, Berat, Durrës, Tepelenë , me stacion të fundit Gjirokastrën. Klandestinët rekrutoheshin nga pjestarët e këtij grupi në rrethet Fier, Vlorë, Berat ,Durrës, Tepelenë dhe me mjete të ndryshme i transportonin deri në afërsi të vijës së kufirit  Aty, pasi i grumbullonin, realizonin kalimin për në Greqi nga kufiri i gjelbër, në dy drejtime, afër fshatit Radat dhe fshatit Dritë të rrethit Gjirokastër. Për çdo emigrant  trafikantët merrnin 700 deri në 800 Euro.

Vetëm 2 javët e fundit ky grup tentoi të kalonte 96 shtetas klandestinë, të cilët janë ndaluar nga policia. Nga të dhënat e grumbulluara rezulton  që brenda dy muajëve të fundit nga ky grup  është realizuar kalimi i paligjshëm për në shtetin grek i qindra shtetasëve.