Cmimi i shitjes se ARMO rritet me 3.7 milione euro

Autoritetet shqiptare kane mbyllur nenshkrimin e kontrates per shitjen e ndermarrjes shteterore te naftes, ARMO me 3.7 milione euro me shume se, sa ishte deklaruar ne oferten per tender qe dha konsorciumi, Anika Enterprises SA, Mercuria Energy Group Limited dhe Refinery Associates of Texas, INC. Burimet zyrtare ne ministrine e Ekonomise Tregtise dhe Energjitkes lajmeruan se, dje perfunduar procesi i firmosjes, shoqeruar me dokumentacionin e nevojshem per firmosje, te kontrates se shitjes te 85 % te aksioneve te kompanise shteterore te ARMO sh.a, me nje cmim 128,750,000 euro. Ne oferten per tender konsorciumi kishte deklaruar 125 milione euro si vlere per blerjen e 85 per qind te aksioneve te ARMO-s, por dje firmosja e kontrates se shitjes ka perfunduar me 3.7 milione euro me shume. Konsorciumi i ka dorezuar Ministrise se Ekonomise, Tregtise dhe Energjetikes nje garanci kontrate prej 20 per qind te cmimit. Ne baze te kontrates se sapo nenshkruar, tre shoqerite anetare te konsorciumit jane pergjegjese solidare per pagesen e cmimit te blerjes, zbatimin e Biznes Planit si dhe per permbushjen e te gjitha garancive te tjera te shitesit ne kontraten e shitjes se aksioneve. Sipas burimet te ministrise se Ekonomise, bleresi ka garantuar respektimin e Biznes Planit te dorezuar ne tender dhe investimin e nje shume prej 240 milione dollaresh gjate 5 viteve. Te njejtet burime njoftojne se, qeveria i ka kushtuar vemendje te vecante permiresimit te kushteve te mjedisit dhe mbrojtjes se tij. Prandaj dhe kontrata parashikon investimin e 50 milioneve per mbrojtjen dhe permiresimin e mjedisit ne tre vitet e para. Zbatimi i biznesplanit, pervec parashikimeve te ndryshme kontraktuale, garantohet edhe nepermjet penaliteteve qe palet kane parashikuar ne rast moszbatimi te tij. Kontrata i detyron bleresit e ARMO-s te mos shese aksionet e tij pa miratimin e Ministrise per nje periudhe pesevjecare. Ministria e Ekonomise, Tregtise dhe Energjetikes perfiton 100 % te dividendit nga ARMO deri ne diten e berjes efektive te kontrates.

Nafta qe do te prodhohet ne Shqiperi nepermjet ARMO-s do te kete destinacion vetem tregun vendas. Burimet nga Ministria e Ekonomise njoftuan se, kjo eshte nje nga pikat themelore per te cilat eshte rene dakord ne negociatat me konsorciumin qe ka blere ndermarrjen shteterore te naftes, ARMO.