Conference League në RTSH: Drita bie në fushën e Rayo Vallecano, por siguron zonën play-off

Drita bie në fushën e Rayo Vallecano, një humbje 0-3, që është e dyta radhazi(3-0 u mund dhe në “Fadil Vokrri” nga AZ Alkmar javën e kaluar), por mbetet në fazën play off të Conference League.

Në sfidën që erdhi për shikuesit në ekranin e RTSH, spanjollët arritën të shënojnë golin e parë në minutën e 33-të me anë të Lejeune, 1-0 që është dhe rezultati i pjesës së parë.

Në pjesën e dytë, Gumbau 66′ e më pas Alfonso Espino 83′ kompletuan fitoren 3-0 duke i dhënë skuadrës së tyre një kualifikim direkt për në fazën tjetër të këtij kompeticioni.

Ndërkohë, Drita me 8 pikët e grumbulluara mbetet në zonën e play off, vendi i 20-të në klasifikim.