DSHP: Mjeket, nga kafja, ne salle te operacionit

Infeksionet qe marrin pacientet e shtruar ne spitalet shqiptare ndodhin sepse mjeket, shpeshhere, nuk lajne duart perpara nderhyrjeve kirurgjikale. Sipas studimeve te kryera nga institucionet shendetesore, por edhe ato te higjienes, rezulton se nuk jane problem pajisjet mjekesore apo sallat e kirurgjise, qe dezinfektohen rregullisht, por personeli qe punon ne to. Keshtu, te dhenat qe tregon Drejtoria e Shendetit Publik ne Tirane, thuhet se ne Qendren Spitalore Universitare shkon te kurosh nje semundje dhe me pas, prekesh edhe nga infeksionet. Analizat per pastertine tregojne se ne mjediset spitalore dhe sallat e operacionit te kesaj qendre, niveli i infeksioneve eshte i larte. Keshtu thone inspektoret e Drejtorise se Shendetit Publik te Tiranes, te cilet po monitorojne QSUT-ne ne lidhje me infeksionet spitalore, nivelin e higjienes, por dhe pajisjen me libreza te punonjesve. “Aktualisht, jane rreth 50 masa administrative. Kemi konstatuar probleme te infeksioneve spitalore, persona qe shkojne me nje dhe dalin me dy infeksione. Kjo nuk do te tolerohet nga ana jone. Eshte e papranueshme qe nje mjek, i cili vjen nga lokali dhe shkon futet direkt ne sallen e operacionit", thote Mhill Gecaj, drejtor i Shendetit Publik, Tirane. Nga ana tjeter, gjoba jane vendosur edhe per sanitaret, kryeinfermieret dhe shefat e pavijoneve, te cilet nuk jane kujdesur per higjienen ne sallat e operacioneve. Me problematik eshte Spitali nr. 2 dhe sallat e operacionit ne te, por dhe Spitali i Semundjeve te Brendshme. Gjoba kane marre edhe mjeket, por edhe shefat e pavijoneve, qe nuk kane qene te pajisur me libreze shendetesore. “Vete punonjesit, mjeket, infermieret dhe gjithe personeli mjekesor, duhet te kete librezen shendetesore te leshuar nga Instituti i Shendetit Publik. Pra, ky person, se pari, duhet te jete vete i garantuar per problematikat te cilat kane te bejne me shendetin publik”, thote Gecaj. Inspektimet ne QSUT parashikohet te kryhen deri ne fund te janarit. Menjehere pas kesaj qendre spitalore, inspektoret e Drejtorise se Higjienes do te kontrollojne edhe dy Maternitetet e Tiranes.

Ivziku: Problem, hyrje-daljet e familjareve

Drejtoria e QSUT-se do te ndaloje hyrjen e familjareve te te semureve, duke mbyllur hyrjet per automjetet private. Nderkaq neper pavijone nuk do te mund hyje askush pa lejen e shefit te sherbimit. Keto masa merren pasi fluksi i madh i familjareve ka shtuar mungesen e higjienes dhe kaosin neper spitalet e QSUT-se. “Ekzistojne disa hyrje te paligjshme, te cilat do t’i mbyllen dhe ketij institucioni. E dyta eshte qe do te bejme nje monitorim shume me te rrepte persa i perket trafikut te automjeteve. Ketu jane rreth 3000-3500 automjete qe hyjne ne dite dhe do te merren masat dhe me disa institucione te tjera shteterore, qofshin keto qendrore apo lokale, ne hartimin e nje plani dhe zgjidhjen e mire te ceshtjes se parkimit te automjeteve”, thote Sajmir Ivziku, drejtor i QSUT-se.