Dade: Grupi socialist s'do t'i humbase mandatet e deputetit, Topalli mashtroi
Kryesuesja e delegacionit te Partise Socialiste, Arta Dade, deklaroi dje se Shqiperia ka rifituar kredencialet e saj te plota pas premtimit te kryeparlamentares Topalli, per te ndryshuar perberjen e delegacionit shqiptar ne Asamblene Parlamentare te Keshillit te Evropes. Permes nje komunikimi per mediat, zyrtarja e lart socialiste theksoi se letra e derguar nga Partia Socialiste ka qene konform rregullave dhe ka pasur te beje vetem me shkeljet e bera ne perzgjedhjen e delegacionit nga kryetarja e Kuvendit, Jozefina Topalli. "Kryeministri nuk duhet te merret me letre, sepse letra eshte konform kerkeses sone per te respektuar rregulloren e Parlamentit te Shqiperise dhe Asamblese Parlamentare. Ka edhe nje leter tjeter te Topallit, te cilen e kam dhene per median, e cila deformon realitetin. Mesa duket Topalli ka bere nje premtim, qe do ta ndryshoje perberjen e delegacionit. Ne kemi deklaruar ate qe ka thene edhe kreu i PS-se, se grupi socialist nuk do t'i humbase mandatet", u shpreh Dade. Nga ana tjeter, deputetet e PS, Arta Dade, Taulant Balla dhe Arben Ahmetaj me ftese te Grupit Socialist ne Asamblene Parlamentare te Keshillit te Evropes, po zhvillojne disa takime me perfaqesuesit me larte te grupeve politike dhe te Komiteteve te Asamblese. Ne diten e pare te vizites, deputetet socialiste moren pjese ne mbledhjen e Grupit Socialist, ku bene nje prezantim te detajuar te krizes politike ne Shqiperi pas zgjedhjeve te pergjithshme te 28 qershorit. Kryetari i Grupit Socialist, Andreas Gross, i cili do te flase ne emer te ketij grupi edhe ne seancen plenare ku do te zhvillohet debati per Shqiperine, u shpreh ne kete takim se pa asnje medyshje qe qendrimi i tyre si socialiste evropiane eshte ne mbeshtetje te Partise Socialiste. Ai tha se ata do te perdorin te gjithe mekanizmat dhe mundesite per nje zgjidhje sa me te shpejte te krizes ne Shqiperi, duke garantuar nje perfaqesim te larte te grupit socialist ne Komitetin e Presidences se Asamblese Parlamentare te Keshillit, qe do te vizitoje shume shpejt Shqiperine.