Dade: Propozimi i Pak, nje qendrim personal

Partia Socialiste, ka reaguar pas deklarates se Doris Pak mbi procesin e shperndarjes se kartave dhe perseriti kerkesen e saj, per shperndarjen e kartave te identitetit falas per qytetaret shqiptare, deri ne zgjedhjet e 28 qershorit. Nepermjet nje deklarate per shtyp, sekretarja per Marredheniet me Jashte ne seline roze, Arta Dade, deklaroi se me qendrimet jozyrtare te Doris Pak, jane mesuar jo vetem partia e saj, por gjithe Shqiperia. "Prononcimi i saj i sotem, shpreh nje qendrim personal, por jo qendrimin e deklarates ku thuhet shprehimisht "lehtesira te tjera financiare, duhet te propozohen per qytetaret qe i perkasin kategorive te pa-avantazhuara dhe vulnerabel" ( pra, me te ardhura te pakta)", solli ne vemendje Dade. Sipas saj, kjo do te thote se shqetesimi i tyre eshte kuptuar drejte. "Ne riperserisim propozimin tone, per pajisjen e shtetasve me kartat e identitetit falas, si te vetmen zgjidhje per te mos u hequr qindra-mijera votuesve, me te ardhura te pakta financiare, te drejten e votes e per te shmangur deshtimin e zgjedhjeve", tha sekretarja per Marredheniet me Jashte ne Partine Socialiste. Per kete parti, pajisja e shtetasve me karta identiteti eshte ende nje beteje kunder pales tjeter, por nje beteje qe duan ta bejne bashke me palen tjeter, per te garantuar zgjedhje te lira dhe te ndershme.

D.D