Dallget bllokojne punen ne port

Durres- Moti i keq ka paralizuar punen ne Portin e Durresit. Ne oret e para te mengjesit te djeshem ne te gjithe sektoret e portit puna eshte bllokuar, pas nje urdhri te Kapitenerise. Mesohet se jane njoftuar anijet me flamur te huaj dhe shqiptar, dispecerine, sektorin e ngarkim-shkarkimit si dhe sektore te tjere per sigurimin e anijeve ne Rade, per t'i paraprire ndonje aksidenti te mundshem detar. Paralajmerimet e para per prishjen e motit dhe uljen e temperaturave jane bere edhe pese dite me pare. Gjiri i Durresit eshte perfshire nga nje ere e forte e shoqeruar edhe me rryma te fuqishme, gje qe ka sjelle pezullimin e lundrimeve ne portin me te madh te vendit, per te gjitha anijet e tonazhit te mesem e te vogel te mallrave. Kreu i Kapitenerise, Besnik Deda, ka bere te ditur se deti ka regjistruar forcen 7-8 balle dhe ere qe shkon ne 20 meter ne sekonde me drejtim nga jug-perendimi. Si pasoje e kesaj gjendje nuk ka dale asnje anije nga porti dhe jane urdheruar kapitenet e anijeve te mbajne ne gatishmeri te plote ekuipazhin per te perballuar eren e forte. Probleme ka pasur edhe lundrimi i trageteve nga portet italiane drejt atij te Durresit dhe anasjelltas. Konkretisht dje ka ardhur me mjaft vonese trageti "Apollon", nderkohe qe "Rivera Del Conero" ka ardhur sipas parashikimeve.

E.Arapi