Dallku i pezulluar, frikë për Lorik Canën

Përveç humbjes në fushën e Hungarisë, Shqipëria përballet me të tjera probleme në prag të sfidës me Portugalinë. Për ndeshjen e së mërkurës kundër skuadrës së drejtuar nga Karlos Kueiroz, trajneri Ari Han do të ketë shumë pikëpyetje për të zgjidhur. Mbrojtësi i krahut të djathtë, Armend Dallku, është ndëshkuar me kartonin e dytë të verdhë në stadiumin "Ferenc Pushkash" dhe do të jetë i pezulluar për takimin e radhës në këto eliminatore. Një karton i dhënë nga gjyqtari zviceran Klaudio Kirçeta për faull teknik në mesfushë, e që është kontestuar fuqishëm nga 25-vjeçari, i cili ishte i vetëdijshëm se ky ndëshkim do ta privonte nga sfida me yjet portugezë. Problem tjetër në radhët e kuqezinjve janë dëmtimet e pësuara në Hungari. Më problematiku duket se është ai i mesfushorit Lorik Cana, për të cilin janë hedhur menjëherë dyshime se rrezikon të mos luajë në mesjavën e ardhshme. Në sfidën e djeshme është dëmtuar edhe Jahmir Hyka, i cili u fut në lojë dhe u zëvendësua vetëm pas disa minutash, por gjendja e tij duket më e mirë. Gjithsesi, sot pritet që stafi mjekësor do të bëjë ekzaminimet e nevojshme.

Grupi 1

REZULTATET

Hungari - Shqipëri 2-0

Torgele 49‘, Juhazh 83‘

Suedi - Portugali 0-0

Danimarkë - Maltë 3-0

Larsen 10‘, 47‘, Ager (11m) 29‘

Renditja

N P

Danimarka 3 7

Suedia 3 5

Portugalia 3 4

Shqipëria 3 4

Hungaria 3 4

Malta 3 0

15 tetor

19:30 Maltë-Hungari

21:45 Portugali-Shqipëri