De Biasi: Jam një italian i shqiptarizuar

Përzgjedhësi i kombëtares shqiptare, italiani Gianni De Biasi, në miqësoren me rastin e 100 vjetorit të Pavarësisë së Shqipërisë në mes një ekipi shqiptar përballë skuadrës evropiane, ka mbajtur postin e trajnerit të skuadrës shqiptare.

Në këtë miqësore të organizuar nga ambasadori Etore Sequie për ekipin shqiptar luanin artis, sportist e politikanë.

De Biasi pas ndeshjes tha se ishte një ndeshje e veçantë për Shqipërinë. Ai thotë se tashmë Shqipëria është pjesë e jetës së tij. Ai thotë se është një italian i shqiptarizuar.

“Të gjithë luajtëm për t’u ndierë të gjithë mirë për këtë vit të veçantë për Shqipërinë. Ishte një ndeshje e organizuar nga ambasadori Etore Sequie, i cili deshi të festonte 100-vjetorin e Pavarësisë së Shqipërisë në këtë mënyrë. Ishte gjëja më e bukur, pasi u mblodhën jo vetëm shqiptarët, por të gjithë njerëzit që e ndiejnë se duhet festuar kjo ditë, pra dhe ata të huaj nga çdo komb i Evropës”, ka thënë De Biasi.

“Sigurisht që Shqipëria është pjesë e jetës sime dhe e zgjedhjeve të mia. Rezultati i ndeshjes vlen, por më shumë vlen për krijimin e bazave për të ardhmen e Shqipërisë në Evropë. Unë jam një italian i shqiptarizuar, ndaj kjo më kënaq më shumë dhe dua që të vazhdoj dhe në ekipin kombëtar në mënyrë të tillë, pra me fitore dhe ecje përpara”, tha tekniku italian.