De Biazi prezantohet sot në FSHF

Xhani De Biazi, trajneri i ri i Shqipërisë, do të prezantohet sot në zyrat e FSHF-së në një konferencë pëtr shtyp në orën 11:00. Këtë e konfirmon shefi i zyrës së shtypit në federatë, Lirim Zalla. “Është organizuar gjithçka për në orën 11:00. Trajneri do të jetë i disponueshëm për mediat,” saktëson Zalla. De Biazi ka mbërritur në kryeqytetin shqiptar ditën e djeshme, por ardhja e tij nuk është trumbetuar shumë, pasi është kërkuar që gjithçka të mbyllet ditën e sotme. Italiani, ish-trajner i Breshias, Torinos e Udinezes, do të pasojë në këtë detyrë kroatin Josip Kuzhe. Ai ka nënshkruar një kontratë 2-vjeçare me Federatën Shqiptare të Futbollit si dhe do të përfitojë diku te 250 mijë eurot gjatë qëndrimit të tij në krye të stolit të Shqipërisë.