Defekti ne llambe, 20 paciente ne dite pa skaner
Sonila Isaku
"Plakja" e llambes se skanerit kryesor te Qendres Spitalore Universitare "Nene Tereza" sorollat cdo dite te paken 20 paciente. Prej tre muajsh ky skaner nuk punon, pasi llamba unike ka plotesuar oret e punes, nderkohe qe drejtoria nuk mund te planifikoje nje buxhet prej 18 mije lekesh per blerjen e nje pjese te re. E ndersa radhet e personave dhe pacienteve te regjistruar vijne nga dita ne dite duke u shtuar, perseri nuk eshte marre asnje mase. E vetmja rrugezgjidhje ka qene planifikimi i rasteve per te skaneri qe ndodhet te Spitali i Femijeve. Ketu mjeket kryejne mbi 15 ekzaminime ne dite, nderkohe qe ky numer i madh do te sjelle edhe "plakjen" e llambes se ketij skaneri. Mjeket, nga ana e tyre, nuk mund te kryejne mbi pese ekzaminime, pasi kerkon kohe dhe perqendrim. Vetem per kryerjen e nje skaneri kerkohet rreth 20 minuta kohe, ndersa per marrjen e pergjigjes duhet te pakten nje ore kohe.
Radhet te spitali i femijeve qendrojne si ne ambientet e jashtme ashtu edhe tek ato te brendshme. Pacientet, te cilet kane prenotuar radhen, nuk e kane kryer ekzaminimin ne diten e percaktuar, por disa dite me vonese, deri kur eshte shpallur lista e emrave. "Ende nuk dime se kur do te rregullohet skaneri, fjale ka, por ende nuk e dime se kur do te rifilloje puna", shprehen mjeke te pavijonit te radiologjise. Kurse dega e Institucionit te Sigurimeve dhe Kujdesit Shendetesor (ISKSH) ne QSUT, e cila merret me planifikimin e personave dhe listave per kryerjen e ketij lloj ekzaminimi, shprehet se problemi qendron te mbingarkesa e skanerit te pediatria. "Te gjithe pacientet dergohen te skaneri tjeter qe kemi. Nese do te funksiononin te dy, nuk do te kishte ngarkese, sepse skaneri, qe aktualisht eshte ne pune, kryen mbi 15 ekzaminime ne dite", kane pohuar dje per gazeten drejtuesit e zyres se ISHSH-se, ne QSUT.
Realizimi i ketij ekzaminimi teper unik per spitalin "Nene Tereza" kushton rreth 20 mije leke per te pasiguruarit dhe vetem 2 mije leke per ata qe jane te pajisur me libreze shendetesore dhe paguajne sigurimet shendetesore. Ndersa ne klinikat private, ku keto sherbime kryhen pa radhe dhe lista kushtojne disa here me shtrenjte. Mesatarisht pagesa te keto klinika eshte 28 deri ne 30 mije leke.
Tabela
2 mije leke kushton skaneri per personat e siguruar
20 mije leke kushton skaneri per nje te pasiguruar
28-30 mije leke kushton skaneri ne klinike private