Del nga burgu, sulmon policin qe e arrestoi
Nje punonjes policie ne qytetin e Korces eshte sulmuar dje nga disa persona per motive qe lidhen me detyren e tij. Nevzat Blushi, inspektor i policise per lagjen 1 te qytetit, nuk ka arritur te shkoje si zakonisht ne pune. Ai ka treguar perpara kolegeve te Komisariatit te Korces se ra pre e sulmit nga dy persona sapo doli prej shtepise. Burimet e policise nga komisariati i Korces, thane se ka qene afersisht ora 18:00 e mbremjes, kur inspektori Nevzat Blushi eshte sulmuar me fyerje, grushte, shkelma dhe sende te forta. Gladiol Kanani, rreth 30 vjec nga qyteti i Korces eshte identifikuar si nje prej personave qe kane sulmuar punonjesin e policise dhe eshte shoqeruar ne ambientet e komisariatit. “Ky person, bene te ditur burimet, ka qene kohe me pare i arrestuar dhe ka perfunduar ne komisariatin e qytetit pikerisht nga nderhyrja e inspektorit Blushi. Nga hetimet e para dyshohet se motivi i sulmit ka qene hakmarrja e te dyshuarit ndaj personit qe e ka derguar ne qeli”. Nga rrefimi i efektivit te sulmuar, mesohet se menyra me te cilen i jane drejtuar agresoret nuk linte shteg per te dyshuar se sulmi lidhej me detyren e tij. Inspektori i demtuar eshte derguar mbreme per kurim ne spitalin rajonal te Korces. Ai ka pesuar demtime ne fytyre, por eshte jashte rrezikut per jeten.
G.A