“Shteti po paguan deficitet e KESH-it”

Burrel - Kryetari i komunes Komsi, ne rrethin e Matit, Pajtim Molla, ka denoncuar dje publikisht abuzimet e KESH-it ne kete rreth. Ai deklaroi ne nje konference per shtyp se faturat e dorezuara ne komune nga ana e faturisteve te korporates nuk jane aspak te sakta dhe se kerkon nga filiali elektrik t’i anuloje ato. “Cdo muaj mberrijne ne zyrat tona fatura afrofe, pa matje dhe nuk pasqyrojne shpenzimin real te energjise, thote kryekomunari i Komsise, Pajtim Molla. Faturat jane vertet befasuese dhe qesharake. Shkollat e komunes, ku une drejtoj, jane faturuara dhe gjate muajve te veres, kohe kur ne to nuk zhvillohej mesim. Absurdi shkon me tej. KESH faturon shkollen Selice, nderkohe ne ate fshat nuk ka as shkolle”. Kryetari Molla tha se fatura te tilla sajohen per te mbyllur deficitet ne kurriz te institucioneve publike dhe per te mbrojtur privatet qe nuk paguajne. “Nese KESH-i nuk na kthen pergjigje sipas normave ligjore, ne do t’iu drejtohemi organeve te drejtesise”, tha kryekomunari Molla.