Delijorgji-Minxholli, rekurs per te gjetur lirine

Avokatet e dy drejtuesve te firmes se demontimit te municioneve ne Gerdec, "Alba Demil", pergatisin dokumentacionet per te depozituar rekursin e mases se sigurise ne Gjykaten e Larte. Sot ne institucionin e shkalles se trete pritet te dergohet kerkesa per ndryshimin e mases se sigurise "arrest me burg" per vepren penale te "shkeljes se rregullave te lendeve plasese dhe radioaktive" si te pambeshtetur ne prova e ligj nga ana e grupit hetimor. Mihal Delijorgji dhe Dritan Minxholli do te luajne edhe "gurin" e fundit per sa i perket tentatives per ndryshim te mases se sigurise, me te cilen nuk kane qene dakord. Avokati Arben Prifti tha dje, per gazeten "KJ", se "neser do te behet rekursi ne Gjykaten e Larte dhe se megjithese u shkelen te gjitha afatet per shpalljen e vendimit nga Gjykata e Apelit, me ne fund u sigurua procesverbali dhe u hap rruga per rekurs". Pas zbardhjes se vendimit nga ana Apeli, mbrojtja e dy prej te pandehurve te marre nen hetim per tragjedine e Gerdecit konfirmon pergatitjet per te bindur Kolegjet e Bashkuara se "arresti me burg" per Delijorgjin e Minxhollin eshte i pabazuar ne ligj. Prifti tha se, "do i kerkohet Kolegjeve te Bashkuara caktimi i nje mase sigurie me te bute sesa ajo e vendosur nga Shkalla e Dyte". Mbrojtesit argumentojne faktin qe organi i akuzes ne seancen gjyqesore nuk ka treguar se cilat kane qene provat e shkaqet e ndalimit te dy klienteve te tij. Nderkohe qe do t'i kerkohet Kolegjeve te Bashkuara edhe aktin per shkaqet e rrezikshmerise se Minxhollit dhe Delijorgjit, qe nuk eshte paraqitur nga prokuroria. Prifti tha se "dy klientet e tij kane qene ne dispozicion te jo vetem te Shtabit te Pergjithshem, por edhe Shtabit te Emergjences si dhe prokurorise, diten e tragjedise me 15 mars". Ai kembengul se organi i akuzes ka paraqitur si prova kunder dy te pandehurve Delijorgji dhe Minxholli, vetem procesverbalet e keqyrjes se kufomave te ndodhura ne morgun e spitalit, deklarimet e punetoreve te fabrikes, si dhe te banoreve perreth, kopje te kontratave te shoqerise "Alba Demil". Dy jave me pare gjykata e Apelit vendosi ndaj dy te pandehurve si dy nga autoret per tragjedine e ndodhur me 15 mars ne fabrike te Gerdecit masen e sigurise "arrest me burg", mase kjo e caktuar nga Gjykata e Tiranes, pese dite pas tragjedise. E njejta mase eshte dhene edhe per drejtorin e ndermarrjes se import-eksportit te armeve, MEICO, Ylli Pinari, i ndaluari i trete.

R.Caushaj