Delijorgjit i kapen dy celulare ne qeli

Tirane- Dy prej te pandehurve kryesore te akuzuar per vrasje masive ne dosjen "Gerdeci", jane kapur me celulare ne qelite e tyre. Dritan Minxhilli, ish-drejtori teknik i punimeve ne fabriken e demontimit si dhe ish-administratori i "Albademilit", Mihal Delijorgji, per shume kohe me radhe kane mundur te kontaktojne me miq dhe te aferm te tyre, per nje periudhe te gjate kohe, duke poseduar dy telefona celulare secili. Sipas burimeve nga institucioni i paraburgimit "Jordan Misja 313" mesohet se dy dite me pare si rezultat i nje kontrolli te ushtruar ne te gjitha qelite e ketij burgu jane kapur gjithsej gjashte telefona celulare. Mesohet se dy telefona i jane gjetur te fshehura ne qeli Dritan Minxhollit, nderkohe qe dy te tjere i posedonte Mihal Delijorgji, ne qeline ngjitur. Burimet kane shtuar se nje tjeter aparat celulari i eshte kapur te pandehurit Fatbardh Dulla 39 vjec, i akuzuar per vepren penale te "trafikut te lendeve narkotike. Dulla mesohet se eshte arrestuar me 30 tetor te vitit 2008 ne saje te operacionit te koduar "taksisti 2" teksa ishte duke kaluar piken kufitare te Kakavijes me 7 kilograme heroine. Po keshtu gjate kontrollit te ushtruar ne nje qeli ku ndodheshin dy te mitur, eshte gjetur nje tjeter telefon celular. Mesohet se nisja e kontrollit ka ardhur pas gjetjes se nje pakoje ne tarracen e institucionit te Sherbimit te Proves, prane disa hekurave qe jane ngjitur me burgun, ku pretendohet se eshte lene nga persona te jashtem. Burimet nga burgu kane bere me dije se kontrollet ne qeli do te behen vazhdimisht, me te shpeshta sesa i permban rregullorja e burgjeve. Po ashtu mesohet nga te njejtat burime se ka ndryshuar edhe pika e rregullores se burgjeve ku percaktohen kriteri i ndeshkimeve per punonjesit e policise te sektoreve qe kapen me mjete te ndaluara per burgjet. Nese me pare rregullorja nuk e percaktonte nisjen e hetimeve me akuzen e shperdorimit te detyres per punonjesit e policise se burgjeve, nga sot te gjithe efektivet do te procedohen, ne rast se ne sektorin qe kane ne mbarevajtje, sekuestrohen mjete te ndaluara te paraburgosurve ose te burgosurve. Mesohet se edhe SHKB-ja eshte vene ne dijeni per te nisur hetimet, nese droga e gjetur disa dite me pare prane ambienteve te paraburgimit ka lidhje me ndonje porosi, qe mund te jete bere nga brenda burgut.
6
Telefona
Celulare jane kapur ne qelite e institucionit te paraburgimit "Jordan Misja 313", pas nje kontrolli te ushtruar ne cdo sektor. Sipas burimeve 2 telefona i jane sekuestruar Mihal Delijorgjit, dy te tjere kunatit te tij, Dritan Minxhollit, nje tjeter te paraburgosurit Fatbardh Dulla si dhe nje minoreni.
Tragjedia
Te pandehurit Dritan Minxholli, ish-drejtori teknik ne fabriken e Gerdecit dhe Mihal Delijorgji, ish-administratori i firmes "Albademil", akuzohen nga Prokuroria e Tiranes per veprat penale te vrasjes masive.

Urdhri
Cdo punonjes policie burgjesh, ne sektorin e te cilit kapen mjete te ndaluara pas kontrollit qe eshte bere, do te prodecohet per shperdorim detyre. Urdhri eshte marre pas ndryshimit te rregullores se burgjeve.