Demo: Ndriçimi LED, përmirëson siluetën urbane të qendrës së Beratit
TIRANË, 3 shkurt/ATSH/ Në bashkinë e Beratit vijon zbatimi i punimeve për projektin “Ndriçim eficient në qytetin e Beratit” me vendosjen e shtyllave të reja dhe ndriçuesve LED në bulevardin “Republika 2”.
Ndriçimi LED përfshin aksin nga sheshi “Teodor Muzaka”, deri te gjimnazi “Babë Dudë Karbunara”.
Kryetari i bashkisë së Beratit në një postim në rrjetet sociale ndau momente nga vendosja e ndriçuesve të rinj, të cilët sipas tij, përmirësojnë siluetën urbane të qendrës së qytetit dhe sjellin më shumë kursim energjie.
Projekti financohet nga qeveria zvicerane dhe bashkëfinancohet nga bashkia Berat.
1 nga 7/k.s/r.e/a.f/