Demokrati Zogaj kerkoi debat, Dule abstenim

Largimi i deputeteve greviste nga salla nuk qetesoi shume kritikat ne seancen e mbremshme per Kodin Zgjedhor. Jo vetem deputete te partive te vogla, por dhe te Partise Demokratike vleresuan se projekti kishte nevoje per me shume diskutime e debate. Prec Zogaj, ndonese e vleresoi reformen, u shpreh se duhet te debatohej me shume. "Do te kisha deshire per me shume dialog per reformen zgjedhore dhe procesi te ishte me transparence", tha Zogaj. Po keshtu edhe aleancisti Neritan Ceka, "i besuari" i PD-se per te drejtuar seancat plenare ne mungese te Topallit, si nenkryetar i Kuvendit, kritikoi faktin se Kodi Zgjedhor nuk eshte nje reforme. "Ju do t'i hiqni te drejten te gjithe shqiptareve per te pasur nje reforme me kete projekt", tha Ceka. Ndonese nga ana tjeter, sulmoi deputetet e opozites qe akuzuan maxhorancen se eshte hajdute e votave te zgjedhesve, te pakten per zgjedhjet e zhvilluara deri me sot. Ndersa kreu i PBDNJ-se, Vangjel Dule momentet e diskutimit te djeshem ne seance, i quajti kritike per fatin e demokracise. Sipas tij, seanca nuk duhet te zhvillohet, sepse debati e shqyrtimi per projektin e Kodit Zgjedhor, nuk ka perfunduar ende. "Zgjidhje ka per nje reforme te mire, jo keshtu si veproni ju", reagoi Dule, duke ju bashkuar zerave kunder, konsensusit PD-PS.