Depresioni, vret veten 38-vjeçari

Një 38-vjeçar nga fshati Vlocisht i Korçës i ka dhënë fund jetës duke u vetëvarur me litar. Adrian Hoxhallari është gjetur i varur në pemë dje në orët e para të mëngjesit nga të afërmit e tij. Pasi e kanë parë të varur pas banesës së tij, të afërmit kanë lajmëruar menjëherë policinë. Sipas një deklarate për shtyp të policisë, 38-vjeçari ishte në gjendje të rënduar emocionale, pasi katër vjet më parë kishte humbur fëmijën e tij. Sipas tyre, kohët e fundit ai kishte filluar të shfaqte shenja depresioni. Pas një këqyrjeje të trupit të viktimës rezultoi se ai kishte konsumuar pije alkoolike dhe më pas ishte vetëvarur.