Deputetet dalin pro privatizimit te truallit ne perdorim Eglantina Nasi
Te gjithe ata qe zoterojne nje objekt shteteror, te perfituar nga privatizimet e viteve '90, tani mund t'i privatizojne edhe truallin. Kane qene deputetet e mazhorances ne Komisionin Parlamentar te Ekonomise, te cilet kane dhene dje miratimin ndaj ketij propozimi te ri te qeverise, per ndryshime ne ligjin e dates 22.4.2010, "Per te drejten e privatizimit te truallit shteteror ne perdorim dhe per taksen mbi te drejten e perdorimit te tij". Konkretisht, ata mbeshteten faktin e nderhyrjes ne ligj, duke parashikuar qe te paguhet menjehere vlera e truallit qe kerkohet per privatizim. Konkretisht, ndryshimi percakton faktin se nese kjo realizohet brenda 30 diteve, i interesuari perfiton nje ulje ne masen 20 per qind te vleres se pageses se truallit. Por nga ana e tyre, deputetet e opozites e kane kundershtuar kete gje, duke pohuar se eshte ne vazhden e abuzimeve qe jane bere me privatizimet e prones publike. Sipas te dhenave te referuara nga Ministria e Financave, deri tani, numerohen 13 mije e 700 objekte te privatizuara dhe rreth 28 mije hektare toke ne total. "Gjate periudhes se zbatimit te ligjit te lartpermendur, jane paraqitur dhe depozituar kerkesa per blerje trualli, mbi bazen e lejeve te ndertimit. Gjithashtu, kane paraqitur kerkesa per blerje trualli edhe subjekte apo individe, te cilet kane blere objekte apo ndertesa, prone e ish-kooperativave bujqesore, por qe keto blerje i kane realizuar permes ish-kooperativave bujqesore apo nepermjet organeve te qeverisjes vendore, edhe pas krijimit te Agjencise Kombetare te Privatizimit apo Agjencise se Ristrukturimit dhe Privatizimit te ish-Ndermarrjeve Bujqesore", citon relacioni perkates i qeverise, lidhur me propozimet te kerkuara per ndryshime ne ligj. Duke shtuar me tej se duke u nisur edhe nga numri i kerkesave te depozituara per blerje trualli ne perdorim, "shtyrja e afatit per menyren e pageses, do te ishte me efekte pozitive, ne shtimin e numrit te kerkesave per blerje dhe, per rrjedhoje, ne sigurimin e mbledhjes se te ardhurave, nepermjet te drejtes se privatizimit".