Deti me dallge rrezikon tragetet, bien lundrimet

Reshjet e debores dhe te shiut kane perkeqesuar ndjeshem kushtet atmosferike dhe situaten ne Shqiperi. Diten e djeshme probleme nga moti i keq, ka pasur edhe ne portet detare te Durresit dhe Vlores. Me e renduar situata ka qene ne Durres, ku tre tragete mberriten me vonese nga Italia, kurse peshkarexhat nuk u lejuan te lundronin per peshkim. Po keshtu edhe tragetet e linjes Durres-Brindisi apo Durres-Bari, nuk u lejuan te udhetonin deri ne nje situate te dyte te permiresimit te kushteve atmosferike. Forca e detit diten e djeshme ka arritur deri ne 7 balle dhe qe mund te mos qetesohen as diten e sotme. Tre tragetet e linjes Bari-Durres kane mberritur me vonese, sipas Kapitenerise. Reshjet e shiut kane shkaktuar probleme dhe ne perpunimin e anijeve me mall rifuxho, ndersa ngarkesat me konteniere kane vijuar normalisht. Sipas Kapitenerise, moti i keq do te mbizoteroje dhe gjate dites se sotme, duke krijuar veshtiresi ne lundrim. Ne Veri te vendit ka vijuar te bjere debore dhe ne veshtiresi jane komunat malore ne qarqet e Kukesit dhe te Dibres, ku dhjete komuna gjenden pothuajse te izoluara dhe rruget rurale te bllokuara.