Invalidet ne proteste: Duam leket tona

Korce- Shoqata e Invalideve ne qytetin e Korces, protestoi diten e djeshme ne sheshin qendror per shkak te mungeses se pensioneve te invaliditetit prej dy muajsh. Te shoqeruar edhe nga familjaret, grupi i qytetareve nje pjese e te cileve me aftesi te kufizuara, bene thirrje dje per reagim te qeverise dhe Ministrise se Financave, per te zgjidhur situaten e krijuar. Protestuesit shpjeguan per median se kjo nuk ishte nje iniciative politike, por nje nevoje njerezore pasi prej dy muajsh edhe pagesen modeste te invaliditetit nuk po e perfitonin dot, per arsye qe ende nuk dihen. Kjo ndihme ekonomike sipas tyre, nuk u jepet pa asnje lloj shpjegimi, edhe pse pothuajse perdite interesohen prane bashkise se qytetit te Korces. Diten e djeshme grupi i invalideve, te ndihmuar edhe nga familjaret, tubuan para institucionit te prefektures dhe bashkise se qytetit, per te shprehur pakenaqesine e tyre per situaten e krijuar, qe u thellon njekohesisht edhe krizen ekonomike, pervec pamundesive fizike si invalide. Ata u shprehen se kane marre vetem nje pergjigje per kete situate, mosceljen e fondeve nga ana e Ministrise se Financave. Ne qytetin e Korces sipas listave qe disponojne institucionet vendore, jane mbi 3.200 persona qe trajtohen me kete pagese, te cilen nuk po e terheqin dot prej dy muajsh.