Dhuna ndaj fëmijëve, linjë telefonike për denoncim

Për herë të parë në Shqipëri të gjithë fëmijëve do tu sigurohet një linjë telefonike kombëtare falas për të kërkuar ndihmë në rastet kur ata ndjehen të kërcënuar ndaj çdo lloj forme keqtrajnimi. Linja 116 do të jetë në dispozicion të çdo fëmije nëpërmjet këshillimit dhe ndihmës në raste emergjente 24 orë gjatë 7 ditëve të javës. Sipas statistikave 50 përqind e fëmijëve dhunohen në Shqipëri dhe ambjenti ku ata dhunohen është familja. Sipas UNICEF-it qëllimi i këtij prezantimi është të prezantojë linjën kombëtare të telefonit për fëmijët në Shqipëri, shërbimet në mbrojtje të fëmijëve, problemtikat që ndeshin fëmijët në lidhje me keqtrajtimin si dhe sigurimin e bashkëpunimit të institucioneve publike dhe private në mbrojtje të fëmijëve në Shqipëri.