Dhuna ne shkolla ne 6 muaj 100 denoncime ndaj mesuesve
Fenomeni i dhunës në shkolla në vendin tonë vitet e fundit është bërë mjaft shqetësues. Vetëm në gjashtë mujorin e parë të këtij viti pranë linjës falas për fëmijë, “Alo 116”, mbi 100 nxënës kanë raportuar se janë dhunuar nga mësuesit e tyre. Më e shpeshtë rezulton dhuna verbale dhe fizike, por nuk ka munguar dhe ajo seksuale.
“Nëse do të bëj një krahasim mes vitit 2010 janë raportuar 276 raste dhe për gjysmën e vitit 2011 janë 107 raste. Shqetësim kryesor është çështja e ngacmimeve dhe dhunës seksuale në shkolla sepse shpesh nëse nuk ekzistojnë mekanizmat që këto forma dhune të hetohen dhe ndiqen në mënyrë profesionale, këto raste mund të rëndohen”-tha Altin Hazizaj, Drejtor i Qendrës të të drejtave të fëmijëve.
Kundrejt mësuesve, që kanë ushtruar dhunë ndëshkimet kanë qenë të pakta dhe jo të forta. Hazizaj thotë se vetëm u është ndryshuar vendi i punës dhe asnjë masë disiplinore apo pezullim nga detyra.
“Nuk do të harroj në jetën time ankesën e një nëne pranë zyrave tona që qante dhe thoshte se djalin e saj, mësuesja e matematikës e torturonte dhe ndonëse kishte kërkuar zyrtarisht që kjo mësuese të largohej nga shkolla dhe nga puna,sepse dhuna është e ndaluar me ligj, ajo mësuese u hoq nga ajo shkollë dhe u vendos në një shkollë tjetër”-theksoi ai.
Fëmijët, që kanë raportuar dhunën e ushtruar kundrejt tyre në shkolla janë nga të gjitha rrethet e vendit. Po ndryshe raportojnë ata të qyteteve e ndryshe ata të fshatrave. Në zonat urbane dhuna është kryesisht verbale e shoqëruar dhe me ngacmime seksuale, ndërsa në ato rurale ushtrohet më në masë ajo fizike.
Julia Bardhushi
“Nëse do të bëj një krahasim mes vitit 2010 janë raportuar 276 raste dhe për gjysmën e vitit 2011 janë 107 raste. Shqetësim kryesor është çështja e ngacmimeve dhe dhunës seksuale në shkolla sepse shpesh nëse nuk ekzistojnë mekanizmat që këto forma dhune të hetohen dhe ndiqen në mënyrë profesionale, këto raste mund të rëndohen”-tha Altin Hazizaj, Drejtor i Qendrës të të drejtave të fëmijëve.
Kundrejt mësuesve, që kanë ushtruar dhunë ndëshkimet kanë qenë të pakta dhe jo të forta. Hazizaj thotë se vetëm u është ndryshuar vendi i punës dhe asnjë masë disiplinore apo pezullim nga detyra.
“Nuk do të harroj në jetën time ankesën e një nëne pranë zyrave tona që qante dhe thoshte se djalin e saj, mësuesja e matematikës e torturonte dhe ndonëse kishte kërkuar zyrtarisht që kjo mësuese të largohej nga shkolla dhe nga puna,sepse dhuna është e ndaluar me ligj, ajo mësuese u hoq nga ajo shkollë dhe u vendos në një shkollë tjetër”-theksoi ai.
Fëmijët, që kanë raportuar dhunën e ushtruar kundrejt tyre në shkolla janë nga të gjitha rrethet e vendit. Po ndryshe raportojnë ata të qyteteve e ndryshe ata të fshatrave. Në zonat urbane dhuna është kryesisht verbale e shoqëruar dhe me ngacmime seksuale, ndërsa në ato rurale ushtrohet më në masë ajo fizike.
Julia Bardhushi