Dhunohen forcat e Rendit, 7 police te rrahur ne Tropoje dhe Elbasan
Disa persona keqtrajtojne efektivat blu ne dy rrethe te vendit. Kohet e fundit jane shtuar rastet e tilla
Fatjon Binjaku
Bilanci i policeve te keqtrajtuar nga qytetaret besoj se do te jete me i madh se e kunderta. Kohet e fundit eshte shtuar ndjeshem numri i rasteve te dhunimit te forcave te policise, ku vetem gjate 24 oreve te fundit shtate prej tyre kane rene pre e keqtrajtimit. Dy ngjarje kane ndodhur gjate dites se djeshme ne Tropoje dhe ne Elbasan. Burimet zyrtare te policise bejne te ditur se jane arrestuar shtetasit Admir Mulgeci 29 vjeç dhe Fatmir Ismailgeci 32 vjeç, nga fshati Geghysen i Tropojes, pasi kane ushtruar dhune ndaj nje grupi policesh te grupit te gatshem. Ndersa ne Elbasan shtetasit Dritan Guda, 20 vjeç, Dionis Qevani, 18 vjeç dhe Arben Shtembari, 40 vjeç, jane shoqeruar ne mjediset e komisariatit pasi kane fyer dhe kundershtuar forcat e Rendit.
Dhunimi ne Tropoje
Sherri mes dy te rinjve dhe policeve te grupit te gatshem, i nisur dy dite me pare ne qytetin e Bajram Currit, ka degraduar ne goditje fizike mes tyre. Ka qene ky shkaku qe blute te vene ne pranga Admir Mulgecin, 29 vjeç dhe Fatmir Ismailgeci, 32 vjeç, nga fshati Geghysen i Tropojes, te cilet kane konsumuar vepren penale “goditje te punonjesve te policise per shkak te detyres”. Lajmin e bejne te ditur burime zyrtare te policise ne Kukes, te cilat sqaruan se ne sherr eshte i perfshire edhe nje tjeter person i shpallur tashme ne kerkim nga policia, emri i te cilit nuk behet publik. Nderkohe, burime nga qyteti i Bajram Currit nenvizojne faktin se mllefi i te rinjve qe goditen policet e grupit te gatshem ze fill dy dite me pare, ku uniformat blu te ketij rrethi shoqeruan dy nga shoket e Ismailgecit dhe Mulgecit, pas nje konflikti te çastit ku ata ishin perfshire. Jane kryer te gjitha veprimet procedurale dhe materialet i kane kaluar Prokurorise se rrethit Tropoje, ku dy te rinjte rrezikojne deri ne tre vjet heqje lirie.
Kundershtojne policine
Ofendojne forcat e Rendit dhe perfundojne ne komisariat. Ky ishte fati i tre qytetareve te Elbasanit, te cilet, gjate kontrollit rutine, u kane bere rezistence forcave te Rendit, duke kaluar me pas ne ofendime. Ngjarja ndodhi mbremjen e se henes, ne afersi te Universitetit “Aleksander Xhuvani”. Ne qelite e paraburgimit jane shoqeruar shtetasit Dritan Guda, 20 vjeç, Dionis Qevani, 18 vjeç, si dhe Arben Shtembari, 40 vjeç, qe te tre lindur e banues ne qytetin e Elbasanit. Burime te policise pohuan se keta tre shtetas jane ndaluar per arsye se mbremjen e se henes, rreth ores 22:00, kane fyer dhe kundershtuar me dhune kontrollin e kater efektiva te policise se Komisariatit te Elbasanit. Aktualisht, keta shtetas ndodhen ne dhomat e paraburgimit te Komisariatit te policise se Elbasanit, ne pritje te hetimit per vepren penale “fyerje dhe kundershtim me dhune per shkak te detyres”.
Kohet e fundit jane shtuar ndjeshem rastet e keqtrajtimit te efektivave blu. Para kater ditesh, nje inspektor policie i Komisariatit te Korçes perfundoi ne spital, pasi ra viktime e dhunes se nje personi, te cilin e kishte ndaluar kohe me pare. Ne fundin e shtatorit, Lulezim Arapi, 39 vjeç, punonjes policie ne Komisariatin e Policise Rrugore ne kryeqytet, eshte dhunuar nga Gezim Hoxhallari. Po ate dite, rreth ores 03:30, prane Komisariatit te Policise Nr. 2 Tirane kane depozituar kallezim kater punonjesit te policise se Patrulles se Pergjithshme, ku denoncuan Thimitrios Thomogliun, 34 vjeç dhe Bledar Islamajn, 30 vjeç.
19 Dhjetor 2007