Dhurata femijeve te 36 policeve te vrare
Drejtorite e Policive ne qarqet e Beratit, Fierit, Vlores dhe Elbasanit kane organizuar koncerte festive per femijet dhe familjet e policeve te vrare ne krye te detyres, duke dhuruar pako te shumta me rastin e festave te fundvitit. Ne Berat, per 23 femijet e 14 policeve te vrare ne krye te detyres, drejtuesit e policise kane shperndare 26 dhurata me lodra dhe veshje, vlera e te cilave kapi nje shume prej 100 mije lekesh te reja. Po keshtu jane dhene 50 mije leke per secilen familje nga vete Drejtoria e Policise, me kontributet e kolegeve te viktimave. Ne qytetin e Vlores, dje jane kujtuar edhe 12 policet deshmore, ku jane shperndare nga nje kompjuter dhe ushqime. Dhurata jane bere edhe nga fondacioni i kryesuar nga Liri Berisha, ashtu sikurse edhe per familjet e policeve te rene ne qarqe te tjera te vendit. Po ne Komisariatin e Vlores, 140 te arrestuar dhe te denuar qe gjenden ne paraburgim, kane mundur te festojne me nje koncert te organizuar me rastin e festave te fundvitit, aktivitet i financuar nga nje biznesmen. Aktivitete per femijet e policeve te vrare jane organizuar edhe ne Fier, ku jane bere dhurata simbolike per familjet e 10 policeve te vrare ne vite dhe 7 familjet e policeve te plagosur ne krye te detyres.