Di Matteo, krenar

Roberto di Matteo është shprehur krenar me aventurën e tij në krye të Chelseat, edhe pse u shkarkua të mërkurën pas vetëm tetë muajve në detyrë.

Di Matteo fitoi Ligën e Kampionëve dhe FA Cup-ën si trajner i përkohshëm dhe fitoi kontratë dyvjeçare. Por, ai u lirua nga posti pas humbjes 3-0 nga Juventus në Ligën e Kampionëve.

“Jam jashtëzakonisht krenar për suksesin dhe titujt që kam qenë në gjendje ti sjell në klub”, deklaroi 42 vjeçari. “Kam pasion të thellë dhe të pandashëm për Chelsean”, u shpreh Di Matteo i cili ishte futbollist i Chelseat më 1996 dhe shënoi 26 gola në 175 paraqitje para pensionimit për shkak të lëndimit në moshën 31 vjeç. Ai është zëvendësuar në detyrë nga Rafael Benitez.