Wenger synon pozitën e parë

Menaxheri i Arsenalit, Arsene Wenger planifikon të aktivizojë skuadër të fuqishme në ndeshjen e fundit në kuadër të fazës së grupeve në Ligën e Kampionëve, edhe pse ka siguruar kualifikimin e mëtutjeshëm.

Arsenali kaloi tutje pas fitores 2-0 ndaj Montpellier por do të udhëtojë në Olympiakos më 4 dhjetor si i dyti në Grupin B prapa Schalkes.

“Do të luajmë për fitore, për të përfunduar në pozitën e parë në grup. Do të mundohemi të fitojmë në Olympiakos dhe shpresojmë se Montpellier do të mund Schalken në shtëpi”, deklaroi Wenger.