Dinamo, Shkumbini siguron bileten e UEFA-s

Dinamo do te prese kete jave Shkumbinin, perballe se ciles synon nje fitore, per te mbrojtur vendin e trete ne klasifikim. Blute kryeqytetas pas barazimit me Besen e Kavajes ndodhen kater pike para Shkumbinit. Elvis Sina, nje nder lojtaret me eksperience, ne kampin dinamovit, beson se ne fund Dinamo do te jete pjesemarrese ne kupen UEFA. "Dinamo nuk pati ecurine e duhur ne ndeshjet e fazes se pare", - theksoi Sina. "E nisem keq edhe fazen e dyte. Humbem dy ndeshjet e para. Per kete arsye jemi ne kete pike. Por nese nuk do te kishim gabuar ne fillim te kampionatit, Dinamo do te dilte kampione. Ne ndeshjet e fundit ecuria e Dinamos ka qene edhe me pozitive se ajo e skuadrave te tjera. Jemi nje ekip i kompletuar dhe nuk do ta veme ne diskutim pjesemarrjen ne Evrope. Perballe do te jete Shkumbini. Ne rast fitoreje, vendi i trete do te jete i sigurt, edhe nese nuk do te arrijme maksimumin ne ndeshjet e mbetura", - perfundon Sina.