Vizitat e zyrtareve te huaj ne shtetin e ri, Bashkimi Evropian: Qeveria vendos per lejet

Qeveria e shtetit te ri ende nuk deklarohet qarte nese Boris Tadic ka shkelur procedurat gjate vizites ne Kosove. Nga zyra e Perfaqesuesit Special te BE-se ne Prishtine thuhet se per cdo vizite te zyrtareve te Beogradit, bekimin e japin autoritetet e Kosoves. Zyrtare te Qeverise se Kosoves vleresojne se deklarimi publik i presidentit serb, Boris Tadic, te premten e kaluar, ne Kosove, edhe pse ne mase te madhe i permbajtur, ka kaluar vijat e te qenit mesazh paqeje per Pashket Ortodokse. Fjalia, qe ka ngjallur interpretime te ndryshme, ka qene ajo kur Tadic ka derguar mesazhe paqeje per, sic ka thene, "serbet, shqiptaret, per te gjithe njerezit qe jetojne ne Kosove, ne Serbine tone". Zevendeskryeministri Hajredin Kuci i tha Radios Evropa e Lire se deklarata e tij do te analizohet me kujdes. "Ne do ta analizojme me kujdes deklarimin e tij. Nuk mund te themi se nuk ka qene i permbajtur, por ka pasur edhe disa vija qe i ka tejkaluar ne perputhje me marreveshjen me bashkesine nderkombetare, por me kohe do ta shqyrtojme dhe dalim me qendrimin tone", pohoi Kuci. Vizita e Tadicit ne Kosove eshte percjelle me reagime nga me te ndryshmet. Boris Tadic, para vizites ne Kosove, kishte njoftuar perfaqesuesin e BE-se ne Beograd se do te vizitonte Manastirin e Decanit, duke kerkuar siguri ne lidhje me kete. Per kete vizite, perfaqesuesi i BE-se ne Prishtine, Pieter Feith, ka konsultuar kryeministrin, i cili kishte lejuar viziten, me kusht qe ajo te ishte e karakterit privat dhe fetar dhe te mos permbante mesazhe politike. Qeveria ende nuk eshte deklaruar nese Tadic shkeli kete kusht dhe se cfare hapash do te ndermarre ne te ardhmen ne lidhje me kerkesat e zyrtareve serbe. "Ne nuk marrim vendim gjeneral, do ta shqyrtojme nga rasti ne rast. Nese qellimi i vizitave ka karakter humanitar, nese qellimi i tyre ka karakter religjioz, atehere edhe mund te shqyrtojme. Nese jep shenja se mund te keqperdoret per propaganda politike, per qellime te tjera, qe jane ne kundershtim me rendin dhe ligjin ne Kosove, atehere do te kete ndalese", tha Hajredin Kuci. Ne baze te Kushtetutes se Kosoves, autoritetet kosovare edhe mund t'i ndalojne keto vizita. Nje mundesi te tille e pohon edhe zedhenesja e perfaqesuesit special te BE-se ne Kosove, Julia Reuter, e cila thote se BE-ja nuk mund as te lejoje e as te ndaloje hyrjen e zyrtareve serbe. Pergjegjese per kete, sipas Reuter, eshte Qeveria e Kosoves. "U takon autoriteteve te Kosoves qe te vendosin per kerkesat ne perputhje me procedurat e tyre. Roli i perfaqesuesit special te BE-se eshte me teper qe te ofroje keshilla dhe perkrahje per autoritetet e Kosoves, per te ndihmuar per te gjetur zgjidhje praktike per ceshtje praktike dhe te sigurohet se jane zgjidhur ne rruge pragmatike. Ata do te vleresojne secilen kerkese", pohon Reuter.

NDALESAT

Para Presidenti te Serbise, Boris Tadic, autoritetet kosovare kishin ndaluar disa here hyrjen e disa qeveritareve serbe ne Kosove, te cilet tentonin te vizitonin enklavat serbe apo veriun e kontrolluar nga strukturat paralele serbe.