Dinamo bind edhe vetë Shkëlqim Muçën

Dinamo fiton dhe bind në
sfidën më të fortë të javës
së dytë të kampionatit kundër
Flamurtarit. Triumfi 3-1 në
fushën e vlonjatëve ka bërë
edhe trajnerin Shkëlqim Muça
të shikojë me optimizëm të
madh nga e ardhmja e sezonit,
ku objektivi kryesor është fitimi
i titullit kampion. "Kemi fituar
një ndeshje të vështirë, nënvizoi
trajneri i bluve. Futbollistët
kanë treguar një formë të mirë
sportive. Është ndeshja e dytë
që fitojmë jashtë fushës tonë
dhe kjo na jep besimin e duhur
për të ardhmen. Kemi shënuar
tre gola të bukur dhe e veçanta
qëndron dhe në atë, se të tre
janë shënuar nga sulmuesit.
Janë zhvilluar vetëm dy javët
e para të këtij kampionati dhe
presim në të ardhmen dhe
ndeshje të tjera më të vështira.
Me këtë fitore të dytë, nuk
dëshiroj të them se kemi arritur
gjithçka".