Dinamo, plotesim kontratash

Dinamo i ka dhene fund nenshkrimit te kontratave me lojtaret e saj, duke kompletuar skuadren ne prag te sezonit te ri. Shume nga lojtaret e bluve ishin te lire, pas skadimit te kontrates, ne fundin e sezonit te kalur. Qe atehere, nga drejtuesit e bluve ishte bere e ditur se do te konfirmoheshin te gjithe lojtaret shqiptare, gje qe eshte arritur gjate diteve te fundit. Nuk eshte rinovuar vetem kontrata e sulmuesit Eleandro Pema, per arsye se ky i fundit eshte i grumbulluar me skuadren kombetare U 21, ne pergatitje per ndeshjen me Sllovakine, me 16 gusht. Pema ka pasur oferta nga Teuta e Durresit dhe Vllaznia e Shkodres, por ne klubin Dinamo jane optimiste se sulmuesi i shpejte do te qendroje perseri me ta dhe hedhja e firmes do te jene nje procedure formale me kthimin e tij nga skuadra e Artan Bushatit.
Te huajt
Mbrotesi kroat Zoran Kastel eshte larguar perseri ne drejtim te vendit te tij, kete here per shkak te nje fatkeqesie ne familje. Lojtari ka humbur nenen dhe nuk dihet nese do te qendroje ne Kroaci me teper se normalja e lejuar per ditet e zise. Po ashtu, e pasigurt eshte situata edhe me kroatin tjeter, Goran Vincetic, i cili nuk ka dhene nje pergjigje perfundimtare nese do te qendroje me skuadren e Faruk Sejdinit. Deri tani, te huajt e Dinamos jane vetem tre, dy senegalezet Diob e Gudjabi, dhe ukrainasi Sergei Romanishin. Ky i fundit ka nenshkruar kontraten qe do ta mbaje me Dinamon deri ne fund te sezonit te ardhshem.
Turneu ne Vlore
Dinamo sot do te kete dy seanca stervitore, paradite dhe pasdite, nderkohe qe neser do te udhetoje drejt Vlores.Blute jane te ftuar te marrin pjese ne turneun qe organizon Birra Norga. Ne ndeshjet qe do te fillojne te shtunen ne oren 17:00 ne stadiumin "Flamurtari" te Vlores do te ndeshen skuadra vendase, Flamurtari, kampioni i Shqiperise, Elbasani, dhe Dinamo.

D.Ikonomi