"Dino me ka kryer veprime te keqija"

Tirane - Nje femije 12 vjecar ka deshmuar dje ne procesin gjyqesor ne ngarkim te dy anglezeve te akuzuar per "marredhenie homoseksuale me te mitur". Ai ka rrefyer vetem pak momente ne lidhje me tmerret e perjetuara ne qendren "Femijet e tij", ne te cilen kishte jetuar per disa vite. Pervec dy te pandehurve Dino Christodoulu si dhe Robin Arnold, femija ka akuzuar edhe ish kuzhinierin e qendres, Janaq Papaleka, i cili eshte denuar nga Gjykata e Tiranes per vepren penale te "moskallezimit te krimit". "Janaqi dhe Dino me kane goditur me luge dhe pirun ne pjese te ndryshme te trupit"- mesohet te kete deklaruar dje perpara gjykates 12 vjecari. "Dino ka kryer edhe veprime te tjera te keqija ndaj meje", ka vazhduar se deklaruari ai, per kohen ne te cilen ishte vetem 9 vjec. Kaq ka mundur te deshmoje ne seance gjyqesore i mituri, pasi ne ato momente nuk eshte ndier mire. Sipas burimeve, i mituri kishte nisur te dridhej dhe me pas te perlotej. Trupi gjykues i kryesuar nga gjyqtarja Shefkie Demiraj, eshte dashur ta nderprese seancen gjyqesore per 15 minuta. Psikologia Nuareda Hasani, e cila eshte betuar perpara gjykates se do te kryente detyren e saj dhe do te ruante sekretin e seances, eshte perpjekur ta qetesoje femijen. Por, edhe pse me pelqimin e tij qe seanca gjyqesore te vazhdonte, ai eshte ndjere serish keq, kur ka pare dy te pandehurit Dino Christodoulu si dhe Robin Arnold, qe ndodheshin ne salle. Mesohet se i mituri ka nisur te dridhet, ndersa psikologja i ka bere kerkese gjykates qe te mos vazhdoje procesi gjyqesor. Perpara se te fillonte marrja ne pyetje psikologja, Naureda Hasani, ka deklaruar perpara gjykates, qe femija te mos pyetej gjate, pasi kohet e fundit kishte perjetuar trauma dhe problem psikike. Femija 12 vjec ishte edhe deshmitari i pare i thirrur ne kete proces gjyqesor nga ana e Prokurorise, ne ngarkim te dy te pandehurve Dino Christodoulu dhe Robnin Arnold. Keta te fundit kane qene prezent ne seance. Ndersa mesohet te mos kene folur fare gjate momentit, qe i mituri ishte duke dhene shpjegimet e para te tij. Procesi gjyqesor pritet te zhvillohet, javen e ardhshme, serish me deshmine e te miturit. Dy te pandehurit jane ekstraduar vetem pak muaj me pare ne vendin tone. Sipas hetimeve te kryera nga Prokuroria e Tiranes se gjate kohes qe te pandehurit kane qene drejtues te qendres "Femijet e tij", dyshohet te kene kryer marredhenie homoseksuale me te mitur te moshave te ndryshem, qe ishin strehuar ne kete qender.

Femijet e akuzuan per abuzimet gjate seancave

Paralelisht me procesin gjyqesor ne ngarkim te dy te pandehurve Dino Christodoulu dhe Robin Arnold, ne Gjykaten e Tiranes po zhvillohet procesi i David Braun. Ky i fundit eshte nje prej ish drejtuesve te qendres "Femijet e tij". Per disa seanca me radhe nepermjet videokonferences, femije, te cilet kane jetuar ne qender, kane treguar edhe tmerret e perjetuara nga ana e te pandehurit Braun. Sipas deklarimit te dhene perpara gjykates, ata kane treguar se i pandehuri kishte perdorur edhe mjete si: lecka e dyshemese, te cilen ia fuste ne goje, ose iu lexonte biblen dhe me pas i zhvishte dhe abuzonte me ta seksualisht.