Dita e Verës, nisin përgatitjet për festën në Tiranë

Një ditë para Ditës së Verës, porositë për ëmbëlsirën tradicionale të kësaj feste, ballokumet kanë zënë vendin e parë në listën e pastiçerive të kryqeytetit.
 

Ata që nuk mundet dot të blejnë ëmbëlsirën në qytetin e Elbasanit, ku gratë njihen si specialiste të gatimit të kësaj ëmbëlsire, kanë porositur ballokumet për familjen. Ashtu siç e kërkon tradita, data 14 duhet të gjejë ballokumet në shtëpi.

Por nuk mungojnë edhe shitësit që kanë udhëtuar herët në mëngjes nga Elbasani për të sjellë në kryeqytet ballokumet e këtij qyteti.
14 marsi shënon ditën kur shtija e ballokumeve është më e madhe.