Dita e fundit e Amnistise, c'humbni dhe c'fitoni Eglantina Nasi

Bizneset qe deshirojne te aplikojne per te perfituar nga masat lehtesuese te amnistise fiskale, kane kohe ta bejne kete gje vetem diten e sotme. Kjo pasi te shtunen skadon per ta ne menyre zyrtare afati i caktuar nga ministria e Financave. Bizneset jane te vetmit qe duhet te rendin sot per te kapur shanset qe u ofron ky projekt, pasi qytetaret qe duan te perfitojne prej tij per legalizimin e banesave, do te kene mundesi ta bejne kete deri ne daten 31 gusht, sipas vendimit me te fundit te marre nga qeveria para dy ditesh. Sipas broshures se publikuar nga ministria e Financave, pak kohe me pare, mbi fushaten sensibilizuese per amnistine fiskale, biznesi i vogel qe drejtohet edhe ne diten e fundit per te aplikuar prej saj, do te perfitoje ne radhe te pare "faljen e te gjitha taksave dhe tatimeve, te papaguara deri ne fund te vitit 2010". Nga ana tjeter, ai do te perfitoje edhe falje te ketyre detyrimeve, nese deklaron shuma monetare te fshehura deri me sot. Kundrejt tyre, ai i bie te paguaje vetem 3% te shumes totale qe deklaron. Ne te kundert, pas dates 31 mars, nese i gjenden shuma te tilla te padeklaruara, ai do te ndeshkohet. Gjithashtu, biznesi i vogel duhet te dije se ai ka sot shansin te perfitoje edhe nga falja e gjobave per mosvendosjen e kasave fiskale, nese deklaron se e ka vendosur ate deri ne daten 28 shkurt 2011. "Biznesit te vogel, i falen gjobat dhe kamatevonesat per te punesuarit e tyre, deri me 31 dhjetor 2010", - eshte nje tjeter mase lehtesuese qe parashikon amnistia fiskale per kete kategori. Kurse sa i perket biznesit ne teresi, ky projekt nese respektohet edhe diten e sotme, parashikohet falje e borxheve tatimore dhe doganore te trasheguara, nese paguajne nje pjese te caktuar te principalit te tij. Konkretisht, "biznesit i falet borxhi tatimor e doganor deri me 31 dhjetor 2008", - thuhet ne broshuren e amnistise. Duke shtuar se "per borxhet e vitit 2009, nese paguhet 30% e principalit te detyrimit tatimor, falet pjesa tjeter e borxhit, gjobat dhe kamate-vonesat; kurse per borxhet e vitit 2010, nese paguhet 50% e principalit te detyrimit tatimor, falet pjesa tjeter e borxhit, gjobat dhe kamatevonesat". "Te gjitha kompanite shqiptare qe kane ne bilancet e tyre pasuri te paluajtshme dhe makineri e pajisje me vlere poshte asaj vleres se tregut, mund te bejne rivleresimin e tyre duke i pasqyruar ne bilancin e vitit. Tarifa per rivleresimin e pasurise se paluajtshme eshte 3% e diferences qe rrjedh nga rivleresimi dhe 5% per makineri e pajisje", - eshte nje perfitim tjeter qe biznesi mund ta kape diten e sotme, nese rend te aplikoje per amnistine fiskale. Ne te kundert, ai i humbet te gjitha keto masa lehtesuese qe ofron nje projekt i tille i qeverise.

Qytetaret perfituan me shume se bizneset

Dukuria qe ka rene me shume ne sy gjate periudhes se zbatimit te amnistise fiskale, prej eksperteve te Financave, ka qene ajo e perfitimit me shume prej ketij projekti te qytetareve, sesa bizneset. Ajo eshte deklaruar shpesh gjate deklaratave publike mbi ecurine e ketij procesi, si nga ministri i Financave, Ridvan Bode, ashtu edhe nga zevendesi i tij, Alfred Rushaj. Madje, me shume per bizneset se per qytetaret, u krye edhe shtyrja e afatit te zbatimit te ketij procesi, nga 31 dhjetori 2011 qe ishte caktuar ne fillim, me 31 mars 2012. Nderkaq, per vete faktin se fluksi i qytetareve rezulton te jete shume i larte per te perfituar ende prej tij, qeveria mori para dy ditesh edhe vendimin per shtyrjen e re, deri ne 31 gusht, te afatit te amnistise fiskale per kete kategori.