Dita e te verberve apel per plotesimin e kerkesave
Mungesa e sinjalistikës dhe rrugëve të posacme, për personat e verbër në vendin tonë vazhdojnë të mbeten problemet më emergjente që kërkojnë zgjidhje. Ky shqetësim ngrihet të paktën një herë në vit, nga të verbërit në datën 15 tetor, e cila simbolizon dhe ditën ndërkombëtare të shkopit të bardhë, një mjet mjaft i domosdoshëm që i mundëson këtij kontigjenti lëvizjen. Por këtyre shqetësimeve ju shtohet së fundmi edhe problemi i punësimit.
"Infrastruktura rrugore në Shqipëri nuk është e përshtatur për personat e verbër. Për sa i përket punësimit kjo lë për të dëshiruar. Për arsye se personat e verbër nuk janë të kualifikuar në kuptimin e shkollave profesionale. Dhe ata të verbër të cilët profesionin e tyre nëpërmjet universiteteve që kryjejnë gjejnë shumë vështirësi në administratën publike apo private", tha Ervin Kapedani, kryetar i shoqatës së të verbërve për Tiranën.
Dita e shkopit të bardhë daton që nga viti 1964, kur presidenti amerikan Johnson ka nënshkruar një deklaratë e cila i konsideron personat me shikim të kufizuar të denjë për të gëzuar të gjitha të drejtat. Në vendin tonë numërohen rreth 10 mijë persona të cilët nuk shikojnë.
Edlira Sulejmani
"Infrastruktura rrugore në Shqipëri nuk është e përshtatur për personat e verbër. Për sa i përket punësimit kjo lë për të dëshiruar. Për arsye se personat e verbër nuk janë të kualifikuar në kuptimin e shkollave profesionale. Dhe ata të verbër të cilët profesionin e tyre nëpërmjet universiteteve që kryjejnë gjejnë shumë vështirësi në administratën publike apo private", tha Ervin Kapedani, kryetar i shoqatës së të verbërve për Tiranën.
Dita e shkopit të bardhë daton që nga viti 1964, kur presidenti amerikan Johnson ka nënshkruar një deklaratë e cila i konsideron personat me shikim të kufizuar të denjë për të gëzuar të gjitha të drejtat. Në vendin tonë numërohen rreth 10 mijë persona të cilët nuk shikojnë.
Edlira Sulejmani