Dita ndërkombëtare të familjes, reagon politika
Dita Ndërkombëtare e Familjes ka sjell në qendër të vëmendjes mungesat që ka sot shoqëria shqiptare në këtë pikë. Po kështu është e nevojshme të hartohen politika dhe strategji për nxjerrjen e shoqërisë nga ky proces ku është futur. Në ditën botërore të familjes, Partia Demokristiane bën apelin e saj për të rritur vëmendjen ndaj familjes shqiptare. Njëkohësisht ështw kërkuar ndikim më i madh në politikë për konsolidim e familjes shqiptare. PDK-ja ka propozuar një politikë strehimi tepër lehtësuese për familjet e reja, lehtësi në punësimin e tyre si dhe ndihma direkte për shkollimin e fëmijëve për familjet në nevojë. Po kështu, për të nxjerrë shoqërinë nga problematika e ditëve të sotme, është e nevojshme që shoqëria të trajtohem me lehtësira financiare për familjeve në nevojë, hapjen e rrugëve të perspektivës për to, reduktimin e varfërisë, luftimin e krimit, drogës, parandalimin dhe luftimin e sëmundjeve seksualisht të transmetueshme etj.
Isuf Kalo:” Fshihen gabimet në spitale e vendit”
Një pjesë e madhe e gabimeve të mjekëve në spitale mbahen të fshehta. Kjo, pasi në spitalet e vendit nuk ka një proces monitorimi. Në tryezën e mbledhur, dje, nga Qendra Kombëtare e Akreditimit të Institucioneve Spitalore, është diskutuar problematika e madhe që ka kapur spitalet e vendit dhe sidomos QSUT-në. Vdekja e disa pacientëve, ku në qendër të vëmendjes janë vendosur bluzat e bardha, ka hapur nj debat të madh tek opinioni dhe të gjithë bluzat e bardha. Fajësia mbetet e paanshme dhe nuk dihet nëse pacientët kanë vdekur për shkaqe të pamundura në mjekësi apo për faj të mjekut që ka ndjekur operacionin. Drejtuesi i Qendrës Kombëtare të Akreditimit të Institucioneve Spitalore, Isuf Kalo, është shprehur se mjekët apo spitalet fshehin gabimet e tyre, që mes tyre ka gabime njerëzore dhe ato që ndodhin për shkaqe mjekësore.
Ajo që është më problematike është se nuk ka një proces monitorimi të mjekëve.
16 Maj 2008