Dizenjohen kartat dhe pasaportat
Figura e Skenderbeut do te jete i vetmi simbol i shtetit shqiptar, qe do te shfaqet ne dokumentet e reja te identitetit te shqiptareve. Ne mbledhjen e djeshme te qeverise u miratua drafti "Per miratimin e dizenjos perfundimtare te dokumenteve te identitetit: leternjoftimit elektronik dhe pasaportes elektronike", i cili percakton ne menyre te qarte simbolin qe do te perdoret per kartat e identitetit te qytetareve dhe pasaportat biometrike. Ne fjalen e tij, gjate mbledhjes se qeverise, kryeministri Berisha deklaroi se Skenderbeu eshte edhe figura me dinjitoze e kombit shqiptar, dhe per kete arsye, simboli i tij do te perdoret ne dokumentet e reja te identifikimit te shtetasve shqiptare. "Dua te vecoj sot vendimin per miratimin e dizenjos se dokumenteve te identitetit, leternjoftimeve dhe pasaportave. Skenderbeu eshte ai qe i ka frymezuar dhe frymezon me shume se kushdo tjeter shqiptaret drejt Evropes. Nuk mund te kete personalitet tjeter qe te kete mbajtur shpirtin e nje kombi, sic ka mbajtur ai gjalle shpirtin e kombit shqiptar", deklaroi kryeministri Berisha perpara ministrave dhe mediave. Sipas kreut te ekzekutivit, duke u nisur nga historianet, Skenderbeu ishte figura e cila krijoi shtet atehere kur ky koncept nuk ekzistonte. Sipas burimeve te "Koha Jone", dokumenti ne te cilin do te perdorej simboli i Skenderbeut ishte ai i pasaportave te reja biometrike. Keshtu figura e heroit kombetare do te vendoset ne faqen e vizave te nje pasaporte ne mesin e shqiponjes dy krenare, e cila eshte stampuar ne mesin e pasaportes. Po keshtu figura e Skenderbeut e hipur ne kale do te vendoset ne faqen e fundit te pasaportes se re biometrike. Nga ana tjeter, karta e identitetit te qytetareve shqiptare do te kete ne mesin e saj te stampuar edhe shqiponjen me dy krere. Po keshtu ne sfondin e kesaj karte jane te dizenjuara edhe harta e Shqiperise dhe ajo e Evropes. Me kalimin e vendimit per dizenjon e dokumenteve te identifikimit i hapet rruge edhe fillimit te shtypjes se tyre per te nisur me pas me shperndarjen. Vete kryeministri Sali Berisha ka deklaruar se ne zgjedhjet e ardhshme parlamentare, te cilat pritet te mbahen ne qershor te vitit te ardhshem, shqiptaret do te jene te pajisur me karta identiteti dhe pasaporta biometrike. Pajisja e qytetareve me keto dokumente te identifikimit, eshte edhe nje nga kushtet baze per procedurat e integrimit te Shqiperise ne strukturat euro-atlantike dhe po keshtu per liberalizimin e vizave per qytetaret shqiptare.