Djegia e 4 punetoreve, hetim urdhrit

Elbasan- Ngjarja tek Kurum, ku mbeten te djegur kater metalurge, do te hetohet per "shkelje te rregullave te mbrojtjes ne pune". Lajmi behet i ditur nga burime zyrtare te policise se Elbasanit, pas te dhenave te para te grumbulluara nga grupi hetimor. Dy nete me pare, tre punetore shqiptare dhe nje turk, pesuan djegie te shkalleve te ndryshme, si pasoje e mosrespektimit te rregullave te sigurimit teknik ne pune ne repartin e shkrirjes se celikut. Hysen Cungu, 52 vjec, me banim ne lagjen "Luigj Gurakuqi", Luan Muhametaj, 52 vjec, me banim ne lagjen "Partizani", Arben Muhametaj, 38 vjec, me banim ne fshatin "Paperr" dhe turku Murat Silis, perfunduan ne spital si pasoje e djegies nga pluhuri i impiantit te dhomes se pluhurkapjes, e cila ndodhet poshte furres se shkrirjes se celikut. Metalurget Luan Muhametaj dhe turku Murat Silis, pasi moren ndihmen e pare ne spitalin e Elbasanit, u nisen per sherbim te specializuar ne Tirane. Sipas te dhenave, Murat Silis ka pesuar djegie ne 40 per qind te siperfaqes se trupit dhe rrezikon me jeten. Ndersa metalurget Hysen Cungu dhe Arben Muhametaj, pasi moren ndihmen e nevojshme mjekesore ne spital, u larguan per ne banesat e tyre per te vazhdua mjekimin ne kushte shtepiake. Ne vendngjarje shkoi grupi hetimor i cili pasi kreu veprimet e para hetimore konstatoi se punetoret vepronin ne segmentin e impiantit te dhomes se pluhurkapjes. Ende nuk behet e ditur nese ky veprim eshte kryer i detyruar, apo ishte nje proces i zakonshem.

Fatos Salliu