Do apelojmë për reagime nga institucionet ndërkombëtare

Edhe në emër të Unionit të Gazetarëve shpreh shqetësim për situatën mes raporteve të qeverisë dhe gazetës “TemA”. Mendoj se ky është imazhi më i keq i marrëdhënies mes një institucioni mediatik dhe një qeverie që pretendon se reflekton lirinë dhe demokracinë e vendit. Ky imazh e kthen Shqipërinë në listën e vendeve që ka probleme me mediat, prandaj duke menduar se kjo shkakton një kosto për imazhin e qeverisë, apelojmë që kryeministri të rikthejë qetësinë e vetvetes me “TemA”-n. Mediat shqiptare janë një pushtet brenda hierarkisë së pushteteve dhe si të tilla janë në luftë për integritetin e vetvetes. Prandaj solidariteti i Unionit të Gazetarëve nuk mungon dhe është në mbështetje të gazetës “TemA” dhe botuesit të saj.

Nëse nuk triumfon gjakftohtësia dhe qetësia qeveritare, Unioni i Gazetarëve do të apelojë për reagime nga institucionet dhe shoqatat e medieve komunitare dhe ndërkombëtare.