Dodik: Bosnja nuk do ta njohë Kosovën

Kryeministri i Republikës Serbe të Bosnjës, Milorad Dodik, ka deklaruar sërish se Bosnja Hercegovina nuk do ta njohë pavarësinë e Kosovës.

Duke folur për mediat serbe kryeministri Dodik ka theksuar se qëndrimi zyrtar i Serbisë në lidhje me Kosovën është edhe qëndrimi zyrtar i Bosnjes.

Sipas tij Bosnja Hercegovina nuk do ta njohë pavarësinë e Kosovës, duke qenë se për këtë nuk bien dakort edhe përfaqësuesit e Republikës Serbe.

"Bosnja ndjek Serbinë dhe do ta ndjekë deri në fund kur bëhet fjalë për Kosovën", thekson më tej kryeministri Dodik për mediat serbe.