Dokumente false per t'i marre pasurine ish-gruas
TIRANE - Falsifikon dokumentet qe t'i marre pasurine ish-gruas, por arrestohet. Hajdar Shabani, 63 vjec, perfaqesues ligjor i firmes Sukaj, SH.PK., ne Kurbin. Burime nga grupi hetimor kane bere te ditur, se Shabani ka qene i martuar dhe eshte ndare nga gruaja. Por gjate divorcit ne gjykate, ish-bashkeshortja e tij kishte fituar pronesine mbi nje pike inertesh, qe kishin ata para se te ndaheshin. Per kete gje, 63-vjecari duke qene dhe perfaqesues ligjor i firmes se mesiperme, kishte falsifikuar dokumentet e pronesise dhe tokes ku ishte ndertuar pika e inerteve. Por pas kesaj ka ardhur nje denoncim per falsifikimet dhe policia kishte nisur hetimet. Gjate tyre eshte vene re se, dokumentet e paraqitura nga Hajdari nuk ishin origjinale, e as te verteta. Me pas kane nisur verifikimet e tyre dhe dy dite me pare efektivet e krimit ekonomik, se bashku me Task-Forcen kane cuar ne gjykate dosjen ndaj 63-vjecarit duke kerkuar masen e sigurise "arrest me burg". Gjate dites se djeshme, policia ka ekzekutuar vendimin e dhene nga Gjykata e Tiranes, duke vene pas hekurave, Hajdar Shabanin. Mbi te, rendojne akuzat e "pastrimit te produkteve te vepres penale", "falsifikimit te dokumenteve". A. Cena