Sherr mes policesh per nje gjobe

FIER - Nje aksident ka bere qe dy police, te zihen me njeri-tjetrin. Perplasja ka ndodhur mes nje efektivit te Policise Rrugore dhe nje te rendit. E me kete rast dhe SHKB-ja ka nisur hetimet per dy uniforma blu ne Policine e Fierit. Gjithashtu hetime jane bere dhe ndaj nje tjeter efektivi te policise, i cili ka shperdoruar detyren ne emer te uniformes. Lajmi eshte konfirmuar si nga burime nga ky sektor, ashtu dhe nga burime te besueshme prane Drejtorise se Policise se Fierit. Burime nga SHKB-ja, kane pohuar se, akuzat me te cilat po perballen dy oficeret e policise jane "kanosje per shkak te detyres", "shperdorim detyre" dhe "fyerje per shkak te detyres". Eksperti kriminalist Elidon Xhumari, ka kanosur dhe fyer per shkak te detyres, punonjesin e Policise Rrugore, Islam Islamin. Ngjarja ka ndodhur ne qytetin e Fierit kur dy automjete jane perplasur. Per hetimet e kesaj ngjarje, ka nderhyre Islami. Por ky ka hasur ne kundershtimin e forte te ekspertit kriminalist Elidon Xhumari, i cili jo vetem qe e ka penguar kolegun e tij te kryeje detyren e shtetit, por ne prani te shume qytetareve prezent ne vendin e aksidentit dhe ne prani te shume uniformave blu, e ka fyer dhe e ka qelluar ate.

Xh. Beharaj