Ina Rama, "urdher" prokuroreve te Beratit. "Zbardhni dosjet e vjetra"

BERAT- Kryeprokurorja Ina Rama, iu ka kerkuar dje vartesve te saj, ne Berat qe t'i kushtojne me shume vemendje ngjarjeve te vjetra. Rama, gjate analizes nje vjetore te Prokurorise se Beratit, i ka cilesuar krimet e vjetra si plage ende e pambyllur per kete qytet. Nga ana tjeter ajo iu ka kerkuar prokuroreve te Prokurorise se Beratit, vemendjen per zbatimin e etikes. Drejtuesi i prokurorise, Xhemal Saliasi, gjate fjales se tij ka theksuar se detyrat kryesore, per perfaqesuesit e prokurorise per vitin qe shkoi, kane qene rritja me shpejtesi e cilesise se hetimeve dhe respektimi i afateve te procedures penale. Pasi ka degjuar raportimin e punes nga kreu i prokurorise se rrethit, kryeprokurorja Rama ne fjalen e saj ka cilesuar si prioritet, zbardhjen e dosjeve te vjetra per qytetin e Beratit, duke e cilesuar si nje plage ende te pambyllur per kete qytet. Ajo i kerkoi perfaqesuesve te akuzes, qe pervec punes per cilesine e hetimeve dhe respektimin me korrektesi te procedurave penale t'i japin prioritet punes per zbardhjen e dosjeve te vjetra, kryesisht vrasjet e ndodhura gjate vitit 1997 ne kete qytet. Rama i ka kerkuar perfaqesuesve te akuzes ne Berat, goditjen me ashpersi te veprave penale kunder korrupsionit. Ajo ka theksuar gjithashtu se kerkesa e nje prokurori per caktimin e mases se sigurise me " burg pa afat" duhet te jete nder kerkesat e fundit, ne kuader kjo te respektimit te lirive dhe te drejtave te individit. Rama ka kerkuar nga prokuroret e Beratit, zbatimin e etikes profesionale duke shmangur keshtu pjesemarrjen ne paragjykime, apo prezencen e tyre ne ambiente qe lene hapesira per paragjykime.

Dosjet

Per vitin qe kaloi Prokuroria e Rrethit te Beratit ka numeruar 767 ceshtje te trajtuara ankimime dhe kallezime, nga te cilat jane ndaluar 509 persona si te pandehur, prej te cileve 181 kane perfunduar te arrestuar. Plot 600 ceshtje, mesohet se ky organ ka ndjekur gjate viti te shkoi, nder te cilat 45 jane pushuar, 121 jane pezulluar dhe te tjerat jane gjykuar duke iu percjelle gjykates.