Dokumenti i ri, radhë për aplikime

Pavarësisht se është shtuar orari për aplikim për kartat e identitetit dhe pasaportat biometrike, emigrantët presin në radhë pranë zyrave të aplikimit. Ashtu si të gjitha ditët e muajit gusht , fluksi i aplikimeve për kartat dhe pasaportat biometrike, nëpër njësitë bashkiake të Tiranës është shumë i madh. Pjesa më e madhe e aplikuesve janë emigrantet të cilët për fat të keq një kohë të konsiderueshme të pushimit të tyre e kanë kaluar pranë zyrave të aplikimit dhe tërheqjes së dokumenteve. Dhe problemi kryesor qëndron tek numri i vogël i punonjësve të cilët shërbejnë edhe per aplikim, por dhe tërheqje të dokumenteve.

Disa ditë më parë Ministria e Brendshme ka dhënë vendimin per zgjatjen e orareve për aplikim per kartat dhe pasaportat , si pasojë e flusit të madh të emigrantëve. Ky vendim ka ndikuar pak në në këtë fluks, por megjithatë emigrantët serish duhet të presin në radhë të gjata.