Dollari merr tatëpjetën, euro fiksohet në 123 lekë
Dollari ka pësuar një zhvlerësim të ndjeshëm dje kundrejt monedhës shqiptare. Sipas kursit zyrtar të Bankës së Shqipërisë një dollar dje u këmbye me 90.14 lekë, duke humbur 1.33 pikë ndaj një dite më parë. Ndërkohë që kursi euro/lekë ka mbetur thuajse i njëjtë në nivelet 123.13. specialistët parashikojnë në ulje të mëtejshme të dollarit edhe ditën e sotme. Tregu vendas është reflektuar nga zhvillimet në tregjet ndërkombëtare të monedhave, ku dollari amerikan ka pësuar uljen më të madhe ndaj euros në dy muajt e fundit. Ditën e djeshme, euroja u forcua me 0.8% ndaj monedhës amerikane, duke u këmbyer me 1.3842 dollarë. Raportet euro/dollar kanë ndikuar mjaft në raportet dollar/lekë. Kështu, muaj më parë, kur një euro këmbehej me 1.24 dollarë, ky i fundit në vendin tonë shitej me 90 lekë. Rënia në pikiatë e dollarit në tregjet ndërkombëtare erdhi pas lajmeve të këqija nga sektori i shtëpive dhe rënia rekord e çmimeve të konsumit, shtuar këtyre edhe spekulimet për një rënie të mundshme të normës bazë të interesit shumë afër zeros.
Data: 16.12.2008Burimi: Banka e Shqipërisë
Lekë për njësi të monedhës së huaj
Dollari Amerikan USD 90.14 -1.33
EURO EUR 123. 13 -0.09
Poundi Britanik GBP 137.11 -0.24
Franga Zviceriane CHF 77.93 -0.16
Jeni Japonez (100) JPY 99.99 -0.70
Dollari Australian AUD 60.46 -0.27