Dollari vazhdon të fitojë terren ndaj lekut

Dollari amerikan, USD, vazhdon të forcohet, duke fituar terren ndaj lekut në tregun valutor. Në mesjavën e kaluar dollari është blerë me 96,9 lekë dhe është shitur me 97,4 lekë, ndërsa sot (9 shkurt) një dollar është blerë me 98,7 lekë dhe është shitur me 99,2 lekë. Në muajin e parë të këtij viti dollari fitoi shumë pikë kundrejt monedhës shqiptare, pasi nga 87,7 lekë që blihej në fillim të vitit dhe 88,2 lekë që shitej, sot rezulton me fitimin e 10 pikëve. Gjatë javës së fundit dollari ka patur lëvizje në shkëmbimet valutore ndaj lekut, ndërsa sot, sipas vëzhgimeve të kryera në agjencitë e këmbimit valutor, është forcuar me afro 2 pikë kundrejt mesjavës së kaluar.